Jump to content

Sci-Fi Ireland

Nasc le teangacha eile
Ón Vicipéid, an chiclipéid shaor.
Bosca Sonraí NuachtánSci-Fi Ireland
CineálIris liteartha
Cárta innéacs
TeangaBéarla ⁊ Gaeilge
Am tosaigh2026 Cuir in eagar ar Wikidata
Seoladh poistOifigí Sci-Fi Ireland,
Taj Mahal,
Tíotán, 6ú ghealach
de chuid Satairn
Tréith
Eatramh foilsitheLeathbhliantán
SeánraFicsean eolaíochta
PríomhábharGearrscéalta, léirmheasanna, tuairimíocht
PríomheagarthóirMark Mullan ⁊
Alex Johnston
Foilsithe iÉire
Eagrán1+
Formáid dáilteI gcló ⁊ mar pdf
Suíomhsci-fi-ireland.com Cuir in eagar ar Wikidata
Facebook: 6158229861370 Bluesky: sci-fi-ireland.bsky.social Instagram: sci_fi_ireland Cuir in eagar ar Wikidata

Is iris liteartha é Sci-Fi Ireland a dhíríonn ar an bhficsean eolaíochta Éireannach. Is é Mark Mullan Príomheagarthóir na hirise agus is é Alex Johnston an Céad-Eagarthóir. Deir siad go bhfuil suim faoi leith acu i scéalta a dhéanann féidearthachtaí daonna a thaighdeadh agus a cheistíonn nádúr an duine a bheith ag scaradh ón gcomhshaol. Tá claonadh i bhfabhar an ghrinn iontu agus is ansa leo coincheapanna ná cruinneas eolaíochta. Mar aon leis an bhficsean, bíonn léirmheasanna agus píosaí tuairimíochta ón bhfoireann san iris. Foilsíodh an chéad eagrán i Mí Bealtaine 2026.[1][2][3][4]

Cur chuige

[cuir in eagar | athraigh foinse]

Cuireann lucht a eagraithe rompu:[2][5]

  • an ficsean eolaíochta nua is fearr dá bhfuil in Éireann a aimsiú agus a fhoilsiú;
  • aird a dhíriú ar an bhficsean eolaíochta in am a bhfuil fealsúnacht, smaointeoireacht, agus díospóireacht faoin eolaíocht agus faoin teicneolaíocht níos tábhachtaí ná mar a bhíodar riamh;
  • spás liteartha a chur ar fáil ina mbeidh pobal ficsean eolaíochta na hÉireann in ann nascadh lena chéile agus píosa spraoi a bheith acu

Foilsíonn Sci-Fi Ireland píosaí ó dhaoine a bhfuil ina gcónaí in Éirinn nó a rugadh ann. Cuirtear fáilte roimh scéalta i nGaeilge, ach foilseofar iad taobh le haistriúchán go Béarla. Iarrtar ar na húdair a gcuid scéalta a chur isteach mar aon le haistriúchán agus beidh sé den riachtanas obair as lámha a chéile leis na heagarthóirí aistriúchán.[1][5]

Tá sé i gceist ag lucht na hirise eagrán a fhoilsiú gach Bealtaine agus gach Samhain. Níl an luach a dhíoltar as an saothar ag brath ar líon na bhfocal.[2]

Stair na hirise

[cuir in eagar | athraigh foinse]

Cuireadh amach gairm ar iarratais le haghaidh an chéad eagráin i Mí Nollag 2025, le spriocdháta roimh na Féile Bríde 2026.[5][6]

Seoladh an chéad eagrán den iris ag an bhféile fhicsean thuairimigh Norncon i mBéal Feirste.[1] Chuir Mark Mullen an iris i láthair agus léigh údair blaisíní as a gcuid saothar, ina measc Sam Thompson, R.B. Kelly agus Tracey Fahey. Bhí slua mór i láthair dar le T.O. Munro, a thug moladh don iris as ealaíon an chlúdaigh, tosach agus cúl.[7]

San áireamh ann tá scéalta ó na scríbhneoirí Sam Thompson, RB Kelly [en], an Dr Tracey Fahey, Damien Kelly, D.C. Forde, Sarah Murray, Hugo Kelly, S.G. Murphy, Paul van Sickle agus Cathy de Buitléir.[1][8]

Fógraíodh go mbeadh an ghairm ar iarratais le haghaidh an dara heagráin ar oscailt ón 8ú Meitheamh – 26ú Iúil 2026.[9]

Naisc sheachtracha

[cuir in eagar | athraigh foinse]

Féach freisin

[cuir in eagar | athraigh foinse]

Tagairtí

[cuir in eagar | athraigh foinse]
  1. 1 2 3 4 Catherine Sharp (2026-05-08). "Hangout with Sci-Fi Ireland - Sun 17th May" (as Béarla). Octocon. Dáta rochtana: 2026-05-10.
  2. 1 2 3 "About" (as Béarla). Sci-Fi Ireland. Dáta rochtana: 2026-02-04.
  3. ↑ "Issues" (as Béarla). Sci-Fi Ireland. Dáta rochtana: 2026-02-04.
  4. ↑ "The team" (as Béarla). Sci-Fi Ireland. Dáta rochtana: 2026-02-04.
  5. 1 2 3 "Submissions Call: Sci-Fi Ireland" (as Béarla). Writing.ie (2025-12-09). Dáta rochtana: 2026-02-04.
  6. ↑ "Opportunities for Writers: December 2025" (as Béarla). Áras Scríbhneoirí na hÉireann (2025-12-22). Dáta rochtana: 2026-02-04.
  7. ↑ T. O. Munro (2026-05-22). "NORNCON 2026: Convention Report (2 of 2)" (as Béarla). Fantasy-Hive. Dáta rochtana: 2026-05-25.
  8. ↑ Damien Kelly (2026-05-07). "Norncon and all the things!" (as Béarla). Damien Kelly. Dáta rochtana: 2026-05-10.
  9. ↑ "Competitions and submissions" (as Béarla). Áras Scríbhneoirí na hÉireann. Cartlannaíodh an bunleathanach ar 2026-05-25. Dáta rochtana: 2026-05-25.
Aisghafa ó "https://ga.wikipedia.org/w/index.php?title=Sci-Fi_Ireland&oldid=1322746"