Scéal (nuachtán)
| Cineál | nuachtán |
|---|---|
| Cárta innéacs | |
| Teanga | An Ghaeilge |
| Am tosaigh | 15/04/2025 |
| Áit a fhoilsithe | Éire |
| Tréith | |
| Eatramh foilsithe | Seachtainiúil |
| Lá a fhoilsithe go rialta | Dé Máirt |
| Seánra | Nuachtán |
| Príomhábhar | Nuacht, Cúrsaí reatha, Nósanna maireachtála, Cultúr, Spórt |
| Príomheagarthóir | Éanna Ó Caollaí |
| Formáid dáilte | Leagan clóite |
 | |
Nuachtán seachtainiúil Gaeilge is ea Scéal. Clúdaíonn sé cúrsaí reatha taobh le colúin tuairimíochta, léirmheasanna cultúrtha, próifílí, agallaimh, clúdach ar imeachtaí Gaeilge, gné oideachasúil san áireamh le ceacht seachtainiúil dírithe ar léitheoirí le gach leibhéal líofachta.[1][2] Foilsítear é gach maidin Dé Máirt le The Irish Times agus leis an Irish Examiner. Seoladh ar an 15ú Aibreán 2025 é.[3][4]
Foireann
[cuir in eagar | athraigh foinse]Is é Éanna Ó Caollaí eagarthóir Scéal. Luaite mar scríbhneoirí tá:[4][1]
- Michelle Nic Pháidín (scríbhneoir agus iriseoir)
- Una Mullally (colúnaí agus scríbhneoir)
- Dónall P. Ó Baoill (saineolaí Gaeilge agus teangeolaíochta)
- Concubhar Ó Liatháin (iriseoir)
- Catherine Foley (iriseoir)
- Alan Titley (colúnaí agus scríbhneoir)
- Máire Ní Bhraonáin (láithreoir, tráchtaire agus colúnaí spóirt)
- Harry McGee
- Ursula Savage
Tá daoine ag obair go neamhspleách air freisin, m.sh. an colúnaí nósanna maireachtála Áine Ní Dhonnaile.[2]
Chuir an t-eagarthóir béim ar thaithí an fhoireann scríbhneoirí ar chúrsaí "Gaeilge, cúrsaí na Gaeltachta, cúrsaí na tíre freisin, cúrsaí na polaitíochta, na litríochta is 'chuile sheort."[4]
Ábhar
[cuir in eagar | athraigh foinse]| "Tarraingíonn scéal scéal eile" |
| —Seanfhocal[1] |
In eagarfhocal an chéad eagráin, scríobh Ó Caollaí go bhfuil "stair phobal agus ghluaiseacht na Gaeilge bunaithe ar ghníomhaíocht", é ag lua roinnt torthaí atá an fheachtasaíocht phobail tar éis baint amach go dtí seo ó bhunú RnaG i leith agus á rá go mbeidh Scéal ag déanamh iriseoireachta ar fhadhbanna atá ag bagairt ar an bpobal fós. Chuir sé fáilte roimh thuairimí lucht léite an fhoilseacháin nua, á rá go bhfuil an foireann ag súil le nuachtán a chruthú "a fhreastalaíonn ar phobal ilchineálach na Gaeilge."[1]
Chomh maith le scéalta nuaíochta agus cúrsaí reatha, tá colúin nósanna maireachtála agus spóirt ann, eolas ar imeachtaí na seachtaine, cluichí beaga agus cúpla puzal d'fhoghlaimeoirí. Dar leis an gcolúnaí nósanna maireachtála Áine Ní Dhonnaile, cuireann Scéal roimhe "ní áis foghlamtha, ach go díreach áis Ghaeilig a chur ar fáil do dhaoine." Tá sé dírithe ar phobal leathan léitheoirí.[2]
Dáileadh agus maoiniú
[cuir in eagar | athraigh foinse]Is le ceannach mar fhorlíonadh san Irish Times agus san Irish Examiner araon atá fáil ar Scéal.[3][4][2] Nuachtán 16 leathanach atá ann.[4][2] I leagan clóite amháin a fhoilsítear é.[2][nóta 1]
Thug an t-eagarthóir le fios go raibh méadú ar fhógraíocht i nGaeilge ó chomhlachtaí poiblí le deireanas i measc na dtosca a spreag bunú an fhoilseacháin seo.[4]
Naisc sheachtracha
[cuir in eagar | athraigh foinse]- Suíomh (neamhiomlán): Scéal
- Agallamh leis an eagarthóir Éanna Ó Caollaí ar Adhmhaidin (15/04/2025)
- Agallamh leis an saoririseoir Áine Ní Dhonnaile ar Pé Scéal É (25/04/2025)
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ 1.0 1.1 1.2 1.3 Éanna Ó Caollaí (2025-04-15). "Scéal". Scéal (1): lch 2.
- ↑ 2.0 2.1 2.2 2.3 2.4 2.5 Pé Scéal É (2025-04-25). "Áine Ní Dhonnaile, iriseoir.". Raidió na Gaeltachta. Cartlannaíodh an bunleathanach ar 2025-06-01. Dáta rochtana: 2025-06-01.
- ↑ 3.0 3.1 Michelle Nic Pháidín (2025-04-15). "Géarchéim theangeolaíochta: ‘Bhrisfeadh sé do chroí’". The Irish Times. Dáta rochtana: 2025-06-01.
- ↑ 4.0 4.1 4.2 4.3 4.4 4.5 Adhmhaidin (2025-04-15). "Éanna Ó Caollaí, Irish Times.". Raidió na Gaeltachta. Cartlannaíodh an bunleathanach ar 2025-06-01. Dáta rochtana: 2025-06-01.
Nótaí
[cuir in eagar | athraigh foinse]- ↑ Seiceáilte 01/06/2025