SVG

Is éard atá i gceist le Grafaic Inscálaithe Veicteoireach (Béarla: Scalable Vector Graphics, nó SVG) ná formáid íomhá le haghaidh grafaicí déthoiseacha atá bunaithe ar XML agus a chothaíonn beochan agus idirghníomhaíocht. Caighdeán oscailte atá ann, agus é á fhorbairt ag Feadhnacht an Ghréasáin Dhomhanda (W3C) ón bhliain 1999 i leith.

Sonraítear na híomhánna i dtéacschomhaid XML agus is féidir iad a chruthú agus a chur in eagar le heagarthóir téacs ar bith. Dá bhrí sin, is féidir iad a chuardach, a hinnéacsú agus a chomhbhrú.