Táinrith na dtarbh
| ||
| Suíomh | an Spáinn, An Spáinn Meiriceá Laidineach an Fhrainc, An Fhrainc  | |
|---|---|---|
Is éard is táinrith na dtarbh (Spáinnis: encierro, ón bhriathar encerrar ‘cuir i loca’; Ocsatáinis: abrivado, go litriúil ‘deifir, móiminteam’; Catalóinis: bous al carrer ‘tairbh sa tsráid’, nó correbous ‘reathaí tairbh’) ann ná imeacht ina ritheann daoine os comhair grúpa beag tarbh, go hiondúil sé cinn[1] ach uaireanta deich gcinn nó níos mó, a scaoiltear ar shráideanna dúnta i mbaile,[1] de ghnáth mar chuid d’fhéile samhraidh. Is minic gur fearr pórtha eallaigh ar leith sna himeachtaí seo, mar shampla an toro bravo sa Spáinn,[1] pór a úsáidtear go minic freisin i dtarbhchomhrac i ndiaidh an táinreatha, nó eallach Camargue sa Fhrainc Ocsatánach, nach n-úsáidtear i dtarbhchomhrac. Go hiondúil úsáidtear tairbh (eallach fireann neamhchoillte) in imeachtaí den sórt seo.
Is é an encierro in Pamplona na Spáinne an táinrith is cáiliúla ar domhan. Reáchtáiltear é le linn fhéile Sanfermines, idir 6 Iúil agus 14 Iúil gach samhradh.[2] Is imeacht mór turasóireachta é anois, an-difriúil ón fhéile thraidisiúnta a bhíodh ann. Bíonn imeachtaí níos traidisiúnta ar siúl i mbailte agus i sráidbhailte trasna na Spáinne agus na Portaingéile, i gcathracha áirithe i Meicsiceo,[3] agus sa réigiún Ocsatánach (Camargue) i ndeisceart na Fraince.
Tagairtí[cuir in eagar | athraigh foinse]
- ↑ 1.0 1.1 1.2 Fiske-Harrison, Alexander (eag.) The Bulls Of Pamplona, Mephisto Press, 2018
- ↑ “Sanfermin guide: Running of the bulls”. Kukuxumusu (2007). Cartlannaíodh an bunleathanach ar 5 Bealtaine 2008. Dáta rochtana: 21 Iúil 2008.
- ↑ "Bull-run hits liquor-fueled town", 2 Feabhra 2009. "The tradition, enacted in a handful of Mexican towns, traces its roots back to the centuries-old Pamplona bull-run in Mexico's former colonial power." Retrieved 4 Márta 2009.