Scéal.ie
| URL | https://sceal.ie/  |
|---|---|
| Cineál | suíomh gréasáin |
| Cuid de | Conradh na Gaeilge |
| Cur i seirbhís | 2014 |
| Tír | Éire |
    
| |
Is suíomh idirlín é Scéal.ie, ‘lárphointe eolais na Gaeilge’ mar a thugann siad fhéin air. Is é Conradh na Gaeilge atá i gceannas ar an suíomh. Foilsítear ann míreanna áirithe ó sholáthraithe nuachta agus suíomhanna Gaeilge eile; folúntais in earnáil na Gaeilge agus na Gaeltachta; féilire imeachtaí; eolaire gnó; agus tuilleadh eolais a bheadh ina ábhar spéise do lucht labhartha na Gaeilge. Cuirtear nuachtlitir amach.[1][2]
Stair
[cuir in eagar | athraigh foinse]Seoladh an chéad leagan den suíomh faoin ainm PEIG.ie den chéad uair i mí Lúnasa na bliana 2014. Sheas PEIG do ‘Pobal, Eolas, Ilmheáin, Gaeilge’ agus b'imeartas focal é ar ainm an tseanchaí chlúitigh Peig Sayers. Is minic a thagraítear do sheanchaí cáiliúil an Bhlascaoid Mhóir ar na meáin Bhéarla nuair atáthar ag caitheamh anuas ar an nGaeilge nó ar lucht a labhartha. Bhí leabhar Sayers, Peig, ar shiollabas na hArdteistiméireachta go dtí na 1990idí. B'iarracht é an t-ainm sin a bhaisteadh ar an suíomh an t-ainm Peig a "athshealbhú" do lucht labhartha na Gaeilge.[1]
Scéal.ie
[cuir in eagar | athraigh foinse]D'fhág Conradh na Gaeilge an t-ainm PEIG.ie ina ndiaidh tar éis breis agus deich mbliana agus an t-ainm nua Scéal.ie a bhaisteadh ar an suíomh. Seoladh an suíomh nua ag Oireachtas 2025. Cuireadh atreorú uathoibríodh i bhfeidhm ó shean-sheoltaí PEIG.ie go dtí na leathanaigh chuí ar Scéal.ie. Dúradh go "léiríonn an t-ainm nua fís agus cuspóir an tsuímh i mbealach an-soiléir agus gonta".[1][2] Nuair a fógraíodh an athbhrandáil seo, bhí seachtanán Gaeilge faoin ainm Scéal ar an bhfód cheana.[3][4]
Naisc sheachtracha
[cuir in eagar | athraigh foinse]- Suíomh oifigiúil: scéal.ie
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ 1.0 1.1 1.2 Maitiú Ó Coimín (21 Deireadh Fómhair 2025). "‘Scéal.ie’ le teacht in áit PEIG.ie ag deireadh na míosa" (ga-IE). Tuairisc.ie. Dáta rochtana: 2025-10-23.
- ↑ 2.0 2.1 "Tá an scéal amuigh - táimid beo!". Scéal.ie (2025-10-29). Dáta rochtana: 2025-11-04.
- ↑ Oifig an Choimisinéara Teanga (Aibreán 2025). "Na Meáin Ghaeilge": lch 3.
- ↑ Michelle Nic Pháidín (2025-04-15). "Géarchéim theangeolaíochta: ‘Bhrisfeadh sé do chroí’". The Irish Times. Dáta rochtana: 2025-06-01.