Páirtí Aontachtach na RA

Páirtí Aontachtach na RA

Sonraí
Cineál	páirtí polaitíochta
Idé-eolaíocht pholaitíochta	Aontachtóirí na hÉireann
Ailíniú polaitíochta	ar dheis ón lár
Stair
Dáta a bunaíodh	1995
Dáta díscaoilte, díothaithe nó scartáilte	2008
Rialachas corparáideach
Ceanncheathrú	Beannchar, Contae an Dúin, Northern Ireland
Eile
Dath

Ba pháirtí polaitiúil de chuid Thuaisceart na Éireann é Páirtí Aontachtach na RA (Béarla: UK Unionist Party nó UKUP). Robert McCartney a bhunaigh an páirtí, sa bhliain 1995, agus sheas sé san fhothoghchán don Dún Thuaidh. Roimhe sin, sheas McCartney in Olltoghchán na Ríochta Aontaithe 1987 mar iarrthóir neamhspleách faoin lipéad Fíor-Aontachtaí (Real Unionist).

Stair

Toghadh McCartney ina Fheisire Parlaiminte sa bhliain 1995 agus arís sa bhliain 1997.

Chuaigh Conchúr Crús Ó Briain, iar-aire rialtais na hÉireann, sa pháirtí sa bhliain 1996. Bhuaigh McCartney, Ó Briain agus Cedric Wilson suíocháin sa Fhóram Thuaisceart Éireann i 1996. Níor ghlac an páirtí agus an PAD le George Mitchell mar chathaoirleach na gcainteanna agus thriail siad a obair a bhacadh. Sa mhí Iúil 1996, D'fhág siad na cainteanna mar agóid in aghaidh an t-aighneas Dhroim Crí agus d'fhill siad níos déanaí. D'fhág an pháirtí na cainteanna arís, leis an PAD, i mí Meán Fómhair 1997 nuair a ceadaíodh Sinn Féin dul sna cainteanna.

Chuir an páirtí in aghaidh le Comhaontú Aoine an Chéasta agus bhí siad i mbun feachtais do vóta "Níl" sa reifreann gan rath. Bhuaigh an páirtí cúig shuíochán ar an Tionól sa toghchán ina dhiaidh sin.

I rith 1998, bhí achrann sa pháirtí. D'éirigh Ó Briain as an pháirtí agus d'easaontaigh na CTRí ar pholasaí. Tharla scoilt nuair a d'fhág ceathrar comhaltaí an páirtí mar sin bhí McCartney an t-aon CTR sa pháirtí. Bhunaigh an comhaltaí eile an Páirtí Aontachtach Thuaisceart Éireann.

Chaill McCartney a shuíochán i dTeach na dTeachtaí san Olltoghchán 2001 agus toghadh arís ar éigean é i dtoghchán an tionóil 2003. Chaill PATÉ gach suíochán sa toghchán.

Níor sheas an páirtí in aon suíochán san Olltoghchán 2005. Sa toghchán an tionóil 2007, níor bhuaigh an páirtí aon suíochán (sheas McCartney i sé thoghcheantar), mar sin, ní raibh aon ionadaithe tofa ag an pháirtí. I ndiaidh an toghcháin, d'éirigh McCartney as an pholaitíocht.

Níl an páirtí cláraithe ó 2008.