Pádraig Ó Cíobháin

Ón Vicipéid, an chiclipéid shaor.

Scríbhneoir comhaimseartha Gaeilge Éireannach as Contae Chiarraí is ea Pádraig Ó Cíobháin.

Saol[athraigh | athraigh vicithéacs]

Ar an nGráig i mBaile an Fheirtéaraigh a rugadh é sa bhliain 1951. B'fheirmeoir é a athair a raibh seisear clainne aige. D'fhreastail Pádraig ar Choláiste Bhréanainn i gCill Airne. Bhí cónaí air i gCorcaigh ó chuaigh sé go Coláiste na hOllscoile, Corcaigh, le céim BA a bhaint amach sa Ghaeilge, sa Stair agus sa Tíreolaíocht i nDeireadh Fómhair na bliana 1969. I 1972-1973 rinne sé an ATO. Fuair sé post mar mhúinteoir i bPobalscoil Ghort Álainn i gCorcaigh sa bhliain 1975.

Tá idir ghearrscéalta agus úrscéalta scríofa ag Pádraig Ó Cíobháin. Ghnóthaigh sé duais Chomórtas Cuimhneacháin Dhonncha Uí Chéilleachair in Oireachtas na bliana 1996 tar éis dó cnuasach gearrscéalta, Solas ná hÉagann Choíche (Coiscéim, 1999) a scríobh. Bhí sé ina theagascóir in Áras na Gaeilge, Ollscoil na hÉireann, Gaillimh, nuair a ainmníodh é mar Scríbhneoir Cónaithe na Gaeilge san Ollscoil sin sa bhliain 2003. Lean sé ar aghaidh leis an bpost sin go dtí deireadh na bliana 2005.

I nGaillimh atá cónaí air anois, lena bhean chéile Kate agus a n-iníonacha Sadhbh agus Aoife.

Saothar[athraigh | athraigh vicithéacs]

Úrscéalta[athraigh | athraigh vicithéacs]

  • Ré an Charbaid (Coiscéim, 2003)
  • Faightear Gach Laoch In Aisce (Coiscéim, 2001)
  • Ar Gach Maoilinn tá Síocháin (Coiscéim, 1998)
  • Desiderius a Dó (Coiscéim, 1996)
  • An Gealas i Lár Na Léithe (Coiscéim 1992)

Gearrscéalta[athraigh | athraigh vicithéacs]

  • Dréachta chrích Fódla (Coiscéim, 2007)
  • Tá Solas Ná hÉagann Choíche (Coiscéim,1999)
  • An Grá Faoi Cheilt (Coiscéim, 1992)
  • Le Gealaigh (Coiscéim, 1991)

Eile[athraigh | athraigh vicithéacs]

  • Go Nuige Seo (Coiscéim, 2005) agus
  • Go Nuige Seo (2006) - díolaim d'ábhair cheardlann agus léamha curtha in eagar aige