Obráid Entebbe (1976)

Ón Vicipéid, an chiclipéid shaor.
Jump to navigation Jump to search
Airbus 300 de chuid Air France

Rinneadh tarrtháil ar na gialla le linn Obráid Entebbe ar 4 Iúil 1976 ag Aerfort Entebbe in Uganda. Ba chróga an tarrtháil í agus d'éirigh go geal leis.

Na himeachtaí[cuir in eagar | athraigh foinse]

na gialla, aerfort Ben Gurion, ag teacht abhaile

Cúpla lá roimhe sin, ar 27 Meitheamh, rinne buíon sceimhlitheoirí, a bhí bainteach leis an ‘Popular Front for the Liberation of Palestine’ eitleán de chuid Air France a fhuadach, díreach tar éis éirí in airde ón Aithin dó, agus é ar a shlí ó Iosrael go dtí an bhFrainc.[1]

na cománlaigh ag teacht abhaile

Bhí anbhá agus alltacht ann, ach mearbhall lena chois sin nuair a tugadh le fios go raibh an t-eitleán tar éis tuirlingt in Uganda mar a raibh an ghealt thíoránach Idi Amin i gcumhacht. É mórchúiseach, lán de bhuaileam sciath agus imithe glan as a mheabhair.[1] Chuir Idi Amin fáilte roimh na fuadaitheoirí fiú.

Cuimhneachán inniu in Entebbe

Ar an 4 Iúil, rinne forsaí ón Iorael ionsaí dásachtach ar an aerfort. Thuirling buíon cománlach as Iosrael i lár an oíche, agus tháinig siad aniar aduaidh ar na fuadaitheoirí.

Caillteanais[cuir in eagar | athraigh foinse]

Rinneadh tarrtháil ar na 106 giall; maraíodh triúr, gafa i lár an achrainn (bhí giall eile, Dora Bloch (76) gafa san ospidéal in Entebbe ag an am; feallmharaíodh í níos déanaí, gan trua, gan taise).[2] Maraíodh dheartháir Benjamin Netanyahu sa ruathar tarrthála (Lt. Col. Yonatan Netanyah), an t-aon cománlach Iosraelach a fuair bás.

Maraíodh na fuadaitheoirí go léir agus bhain caillteanais ollmhóra do Idi Amin. Fuair 46 saighdiúir de chuid Uganda bás cach go háirithe, scriosadh 11 MiG-17 and MiG-21, buamadóirí troda de chuid Uganda. Tharraing míchuibhiúlacht gníomhartha Uganda náire ar Idi Amin agus a rialtas, mar a chonacthas thar lear é.

Féach freisin[cuir in eagar | athraigh foinse]

Scannáin

  • The Last King of Scotland (2006)[3]
  • Raid on Entebbe (1977);[4] Seven Days in Entebbe (2018)[5]

Tagairtí[cuir in eagar | athraigh foinse]

  1. 1.0 1.1 Breandán M Mac Gearailt (2018). "Tráthúlacht thruamhéalach ag baint le Seven Days in Entebbe ach é rómheáite róthomhaiste róleamh" (ga-IE). Tuairisc.ie. Dáta rochtana: 2021-06-27.
  2. "Murder of Dora Bloch" (in en) (2021-04-14). Wikipedia. 
  3. "The Last King of Scotland (film)" (in en) (2021-06-20). Wikipedia. 
  4. "Raid on Entebbe (film)" (in en) (2021-06-23). Wikipedia. 
  5. "Entebbe (film)" (in en) (2021-06-08). Wikipedia.