Obair anála
Is é atá in obair anála nó análú comhfhiosach[1] ná dul i dtaithí ar aird chomhfhiosach a thabhairt ar an análú, agus an anáil a úsáid chun leasa d’intinne, do mhothúchán agus do cholainne. Tugann obair anála cúnamh do dhaoine an córas néarógach a rialú freisin.[2]
Téann go leor againn tríd an saol ag análú díreach a ndóthain le maireachtáil. Ach nuair a thugaimid ár n-aird ar chumhacht na hanála, tuigeann muid go bhfuil i bhfad níos mó i gceist ná feidhm bhitheolaíoch amháin. Tugann dea-nósanna análaithe deis dúinn a bheith ‘i láthair’, na mothúcháin a rialú agus imní a mhaolú.
Is féidir le obair anála cabhrú linn an imní agus an strus a ruaigeadh agus suaimhneas a thabhairt dúinn taobh istigh de chúpla nóiméad. Ach an obair anála a chleachtadh go rialta, is uirlis an-éifeachtach í a thacaíonn leis an mothú go bhfuil tú ‘i láthair’ agus aird agat ar an rud atá timpeall ort. Cuireann an t-análú bealach eile ar fáil dúinn le faoiseamh a fháil — bealach inmheánach a nascann muid lenár gcroí féin.[2]
Cleachtas simplí: análú an bhosca
[cuir in eagar | athraigh foinse]Is féidir an cleachtadh seo a dhéanamh cibé áit a mbíonn tú, mar shampla ag deireadh an lae roimh dhul a chodladh.[2]
- Tarraing anáil isteach tríd do shrón ar feadh ceithre shoicind
- Coinnigh d’anáil istigh ar feadh ceithre shoicind
- Análaigh amach ar feadh ceithre shoicind tríd do bhéal
- Ná tarraing anáil ar bith ar feadh ceithre shoicind
Glac sos gearr agus tabhair faoi arís trí nó ceithre bhabhta.
Tabhair faoi deara cén chaoi a bhfuil do cholainn agus d’intinn ag mothú ina dhiaidh sin, fiú tar éis cúpla babhta.[2]