Nick Delehanty
Is fear gnó é Nick Delehanty (a rugadh timpeall 1990-1991) agus iarrthóir neamhspleách i dtoghchán uachtaránachta na hÉireann 2025, atá i bhfad amach ar an eite dheis. Sheas mar neamhspleách san Olltoghchán, 2024. Bíonn ag labhairt amach in aghaidh an chaiteachais a dhéantar ar lóistín d’iarrthóirí tearmainn.[1] Deir Delehanty nach n-aontaíonn sé leis an illchultúrachas.[2]
Beatha
[cuir in eagar | athraigh foinse]Rugadh agus tógadh Delehanty ar fheirm mhuc i gContae Thiobraid Árann, ach bhí cónaí air sna 2020idí sa Rinn, Baile Átha Cliath, lena bhean chéile agus a mhac.
Ba dhlíodóir é sna 2010idí a d'oibrigh i mbainistíocht sócmhainní agus i gcistí infheistíochta. Bhunaigh sé gnó sna 2020idí, "Barkley" (cúram madraí).[3]
Polaitíocht
[cuir in eagar | athraigh foinse]Fuair sé 2,272 vóta i gCuan Bhaile Átha Cliath Theas san Olltoghchán, 2024.
Toghchán Uachtaránachta
[cuir in eagar | athraigh foinse]Sheol Delehanty a réamhfheachtas toghchánaíochta i mBaile Átha Cliath ar an 27 Lúnasa 2025, i gclub gailf le ceol traidisiúnta agus damhsóir Gaelach.[2] Dúirt Delehanty (i mBéarla): "Is maith cultúr Gaelach a bheith againn agus cultúr Gaelach a cheiliúradh agus bheith bródúil as bheith Éireannach"
Gaeilge
[cuir in eagar | athraigh foinse]Dúirt Delehanty go bhfuil “Gaeilge na hArdteiste” aige. Dúirt Delehanty nach gceapann sé gur ghá go mbeadh an Ghaeilge ag Uachtarán na hÉireann an lá a sheasfadh sé in Áras an Uachtaráin ach gur cheart dó iarracht a dhéanamh í a fhoghlaim le linn an théarma. Gheall Delehanty go gcruthódh sé sraith físeán ar na meáin shóisialta ina gcuirfeadh sé síos ar a chuid iarrachtaí an Ghaeilge a fhoghlaim.[1]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ 1.0 1.1 Maitiú Ó Coimín (28 Lúnasa 2025). "Ranganna Gaeilge á ndéanamh ag Gareth Sheridan ‘ó d’fhill sé ar Éirinn’" (ga-IE). Tuairisc.ie. Dáta rochtana: 2025-08-28.
- ↑ 2.0 2.1 Nuacht RTÉ (2025-08-14). "Gareth Sheridan 'le díriú ar cheist na tithíochta'" (as ga-IE).
- ↑ Ben Scallan (2025-07-04). "The Áras: Who’s interested, who’s out, and who might run" (en-GB). Gript. Dáta rochtana: 2025-08-28.