Niamh Kavanagh

Ón Vicipéid, an chiclipéid shaor.
Jump to navigation Jump to search
Niamh Kavanagh
Niamh Kavanagh in Oslo 2010.jpg
Niamh Kavanagh in Oslo sa bhliain 2010
Rugadh 13 Feabhra 1968
  Baile Átha Cliath
Náisiúntacht Éireannach
Gairm Ceoltóir
Seánra(í) ceoil Pop-cheol
Gníomhach 1990 – inniu

Is amhránaí Éireannach í Niamh Kavanagh a rugadh i mBaile Átha Cliath sa bhliain 1968.[1]

Saol[athraigh | athraigh vicithéacs]

Rugadh Niamh Kavanagh i mBaile Átha Cliath sa bhliain 1968, agus fuair sí post mar bhaincéir. Bhí sí ag obair i lár na cathrach i mBanc na hÉireann, ach fuair sí clú agus cáil nuair a bhuaigh sí Comórtas Amhránaíochta na hEoraifíse sa bhliain 1993. Bhí sí ina hionadaí do Éirinn, i lár dhá bhua eile. Bhuaigh Linda Martin sa bhliain 1992 (le Why Me), agus ansin bhuaigh Paul Harrington agus Charlie McGettigan sa bhliain 1994 (le Rock N' Roll Kids). Sa bhliain 1996, bhí bua eile le hÉirinn agus The Voice á chanadh ag Eimear Quinn.

Sa bhliain 1993, nuair a chan Niamh, bhí an Comórtas suite i gCorcaigh, sa 'Green Glens Arena' i Sráid an Mhuilinn. Chan Niamh In Your Eyes, agus bhí bua ag an amhrán seo le 187 pointe sa deireadh. Bhí cúpla amhrán eile aici i ndiaidh an chomórtais, mar Flying Blind. Bhí In Your Eyes uimhir a haon ar 40 Oifigiúil na hÉireann sa bhliain 1993, agus d'fhan sé anseo níos faide ná aon amhrán eile sa bhliain seo. Fosta, cheannaigh daoine an t-amhrán seo sna siopaí níos mó ná aon amhrán eile sa bhliain 1993.

Oslo[athraigh | athraigh vicithéacs]

I mí Feabhra sa bhliain 2010, bhí Niamh ar ais ar ár dteilifíseáin, nuair a chuaigh sí ar Eurosong 2010, eagrán speisialta de chuid The Late Late Show. Fuair Niamh an vóta uasta an phobail agus vóta uasta an ghiúiré, leis an amhrán It's For You.

As 39 náisiún, fuair Niamh ceann de na 25 háiteanna a bhí le fáil i mbabhta ceannais an chomórtais, agus chaith sí gúna corcra. Bhí ceathrar amhránaí eile in aice léi agus rinne sí 23ú as 25 ar an oíche. Bhí imoibriúcháin diúltach abhaile in Éirinn faoi seo, ach ar aon nós bhí áthas ar Niamh agus ní raibh aon aiféala uirthi.

Shroich It's For You uimhir a hocht ar 40 oifigiúil na hÉireann sa bhliain 2010.

Saol pearsanta[athraigh | athraigh vicithéacs]

Tá Niamh ina cónaí i gContae Ard Mhacha, agus tá sí pósta agus beirt mhac acu.

Tagairtí[athraigh | athraigh vicithéacs]

Naisc[athraigh | athraigh vicithéacs]