Michelle Smith

Ón Vicipéid, an chiclipéid shaor.
Jump to navigation Jump to search
Atlanta 1996

Is iar-shnámhóir Éireannach í Michelle SmithMichelle Smith de Bruin mar a thugtar uirthi anois. Rugadh í ar an 16 Nollaig, 1969 i Ráth Cúil, Co. Bhaile Átha Cliath. Bhain sí cáil amach ag na Cluichí Oilimpeacha in Atlanta i 1996 nuair a bhuaigh sí trí bhonn óir agus bonn cré-umha amháin.

Bhí conspóid ann díreach tar éis na gCluichí hOilimpeacha nuair a chuir an snámhóir Meiriceánach Janet Evans líomhaintí dópála ina leith, líomhaintí nár cruthaíodh. Chuir David Wallechinsky leis an gconspóid freisin nuair a scríobh sé ina leabhar "Complete Book of Summer Olympics" nár bhuaigh Éireannach bonn riamh sa snámh agus nach raibh an churiarracht a bhí ag Smith sna Cluichí Oilimpeacha eile thar mholadh beirte. Bhí conspóid ag baint freisin lena traenálaí agus fear céile Erik de Bruin (phós siad i 1996), a bhí mar iomaitheoir é féin sna Cluichí Oilimpeacha. Bhí tástáil dhearfach aige le haghaidh úsáid drugaí mídhleathacha i 1993 agus cuireadh cosc air páirt a ghlacadh i gcomórtais ar feadh ceithre bliana.

fuarthas ciontach í as cur isteach ar shampla fuail, a thug sí

1 1998, dhá bhliain i ndiaidh na gcluichí in Atlanta, cuireadh cosc ceithre bliana ar Smith páirt a ghlacadh i gcomórtais nuair a fuarthas ciontach í as cur isteach ar shampla fuail, a thug sí i dtástáil drugaí..[1]

Gairmréim[cuir in eagar | athraigh foinse]

Bhí an-suim ag Michelle Smith sa snámh agus í trí bliana déag bhíodh sí ag éirí ag a cúig ar maidin chun a cuid snámha a chleachtadh agus ag an am sin freisin thosaigh sí ag ghlacadh páirte i gcomórtais snámha.

I 1988 ghlac sí páirt sna Cluichí Oilimpeacha in Seoul ach theip uirthi dul níos faide ná na stáideanna cailíochta. Go gairid ina dhiaidh sin bhog sí go Meiriceá áit ar fhreastail sí ar Ollscoil Houston in Texas agus bhí sí mar bhall den fhoireann snámha. De réir a chéile thosaigh feabhas ag teacht ar a meánam cuarda snámha.

I 1992 d'fhág sí Ollscoil Houston le céim sa chumarsáid. I samhradh na bliana sin ghlac sí páirt sna Cluichí Oilimpeacha in Barcelona ach arís níor éirigh go rómhaith léi sna cluichí sin.

I 1993 thosaigh an t-iariomaitheoir Oilimpeach Erik de Brúin á traenáil agus leis na teicnicí nua a mhúin sé di d’éirigh léi an cúigiú háit a bhaint amach sa rás féileacáin 200m sna Craobhchomórtais Dhomhanda i 1994.

I 1995 chruthaigh Michelle curiarrachtaí nua Éireannacha sna rásaí saorstíle 50m, 100m, 400m agus 800m i gCraobh na Eorpa i Vín. Chruthaigh sí curiarrachtaí nua freisin sa snámh droma 200m, sa snámh féileacáin 100 agus 200m agus sa mheacra 200m agus 400m. Ócáid stairiúil a bhí inti mar gurbh í an chéad Éireannach mná chun dhá theideal Eorpacha a bhaint amach sa snámh.

I 1996 rinne Michelle éacht nuair a bhuaigh sí ceithre bhonn, bonn óir sa snámh saorstíle 400m, boinn óir sa mheacra aonarach 200m agus 400m agus bonn cré-umha sa snámh féileacáin 200m. I ndiaidh di na boinn a bhuachan, cuireadh líomhaintí dopála ina leith, rud nár dearbhaíodh ag an am.

1 1997 ghlac Smith páirt i gCraobh na hEorpa in Seville, áit ar éirigh léi dhá bhonn óir agus dhá bhonn airgid a thabhairt léi.

Idir 1996 agus 1997 bhí amhras ar an gCónaidhm Idirnáisiúnta Snámha (FINA) faoin gcaoi nach raibh fáil ar Smith le haghaidh tástálacha randamacha drugaí. Bhí an sceideal traenála a chuir sí isteach fágtha bán seachas a hainm agus náisiúntacht, rud a rinne deacair é súil a choinneáil ar a cuid gluaiseachtaí. Ba chomhartha é seo, dar leo, go raibh rud éigin á cheilt aici. Bhí amhras orthu freisin faoina traenálaí Erik de Bruin, a raibh tástáil dhearfach aige le haghaidh úsáid drugaí mídhleathacha agus faoin tslí ar úsáid sé creidiúnú bréige traenála ó oifigeach Beilgigh chun iontráil a fháil isteach in ionad smachta dópála i 1995. San ionad sin scríobh sé ar fhoirm smachta dópála Michelle ag déanamh caidéis do mhí-eagar na modhanna smachtála drugaí. Roimh thús na gCluichí Oilimpeacha freisin thug an t-anailísí snámha Gary O'Toole le fios go n-éireodh go maith le Michelle sna comórtais ach nach mbeadh an feabhas mór a bheadh uirthi mar gheall ar chúiseanna nádúrtha. Bhí ar an gcraoltóir seirbhíse poiblí RTÉ srian a chur lena chuid ráiteas conspóideach mar go raibh faitíos orthu faoi chás dlíthíochta.

Sa bhliain 1998, chuir FINA bac ceithre bliana ar Smith páirt a ghlacadh i gcomórtais nuair a fuair siad ciontach í as a bheith ag cur isteach ar shampla fuail trí alcól a mheascadh tríd. Chuir sí i gcoinne an chinnidh sin sa Chúirt Eadráin le haghaidh Spóirt (CAS). D'éist painéal de thriúr dlíodóirí spóirt lena cás, an Briotanach Michael Belcoff QC ina measc. Éistíodh leis an gcás go poiblí ar iarratas a dlíodóra agus mar gheall air sin tugadh le fios don phobal go raibh rian den druga corpfhorbartha Androstenedione sna trí shampla a tógadh idir mí na Samhna 1997 agus mí an Mhárta 1998.

Cé gur bhain conspóid leis na gaiscí a rinne sí níor tógadh na boinn Oilimpeacha uaithi agus go dtí an lá atá inniu ann is í an tOilimpeach Éireannach is rathúla a ghlac páirt sna cluichí riamh.

Poist eile[cuir in eagar | athraigh foinse]

Sa bhliain 1999 tháinig deireadh oifigiúil le gairmréim Michelle Smith de Bruin mar shnámhóir iomaíoch ach bhí tionchar ag gach a tharla di sa Chúirt Eadráin agus mhúscail sé a suim i gcúrsaí dlí. D'fhill sí ar Ollscoil na hÉireann, Baile Átha Cliath, áit ar bhain sí céim amach sa dlí. Ina dhiaidh sin d’fhreastail sí ar Óstaí an Rí i mBaile Átha Cliath, áit ar bronnadh céim mar abhcóide uirthi i mí Iúil 2005 agus is ansin a bhuaigh sí an comórtas inmhéanach ardcháilithe, Brian Walsh Moot Court. D'fhoilsigh Thomson Round Hall, a céad leabhar, "Transnational Litigation: Juisdiction and Procedure, i 2008".

In 2007 ghlac Michelle páirt sa chlár Celebrities go Wild don eagraíocht charthanachta People in Need. Dhiúltaigh sí dul ar an gclár The Late Late Show leis na hiomaitheoirí eile ar fhaitíos go gcuirfí ceisteanna uirthi maidir lena gairmréim snámha. Chríochnaigh sí sa dara háit sa tsraith sin.

Tá Michelle Smith de Bruin ag obair anois mar abhcóide sna Ceithre Cúirteanna i mBaile Átha Cliath.

Tagairtí[cuir in eagar | athraigh foinse]