Maurice FitzGerald, Tiarna Llansteffan
Bhí Maurice FitzGerald nó Muiris Mac Gearailt (c. 1105 – c. Meán Fómhair 1176) ina Thiarna ar Mhaigh Nuad, an Nás agus Llansteffan.[1] Ba bharún Angla-Normannach meánaoiseach é agus bhí ról mór aige in ionradh na Normannach ar Éirinn.
Cogaí sa Bhreatain Bheag agus in Éirinn
[cuir in eagar | athraigh foinse]
Troid Tiarna na Marg de chuid na Breataine Bige, an Tiarna Llansteffan, taobh lena dheartháir níos sine William FitzGerald, agus a leathdheartháir Robert FitzStephen, constábla Aberteifi, faoi Robert FitzMartin ag Cath Crug Mawr (Breatnais: Brwydr Crug Mawr) sa Bhreatain Bheag sa bhliain 1136.
Tá Castell Llansteffan (Caisleán Llansteffan) suite os cionn inbhir na habhann Afon Tywi, áit a dtéann sí isteach i mBá Caerfyrddin (Bae Caerfyrddin). Ghabh Maredudd ap Gruffydd é sa bhliain 1146 ó fhórsaí Maurice FitzGerald agus a dheartháir William, Tiarna Emlyn, a bhí i measc lonnaitheoirí Normanacha ceannródaíocha an réigiúin. Athghabh na Normannaigh an caisleán sa bhliain 1158.[2]
D’iarr Diarmait Mac Murchada, Rí Laighean a cuireadh as oifig agus a bhí curtha ar deoraíocht ag Ardrí na hÉireann, cúnamh ó na Cambra-Normannaigh chun a ríchathaoir a fháil ar ais. Ghlac an Tiarna Llansteffan páirt in ionradh na Normannach ar Éirinn sa bhliain 1169 a d'eascair as. Chuidigh sé lena leathdheartháir níos óige, Robert FitzStephen, i Léigear Loch Garman . Ba é a nia Raymond leascheannasaí Strongbow agus bhí an príomhpháirt aige i ngabháil Phort Láirge agus san ionsaí rathúil ar Bhaile Átha Cliath sa bhliain 1171. Throid an Tiarna Llansteffan agus a mhic sa chath seo freisin.
Tagairtí
[cuir in eagar | athraigh foinse]- ↑ “Fitz Gerald”. geneajourney.com. Dáta rochtana: 2025-02-13.
- ↑ Lloyd (2006). "Carmarthenshire and Ceredigion": 331–332. London: Yale University Press. ISBN 0-300-10179-1.