Madog ap Maredudd

Madog ap Maredudd

Beathaisnéis
Breith	12 haois
Bás	1160 (Féilire Ghréagóra)
Ríocht Powys
Gníomhaíocht
Gairm	monarc
Teaghlach
Céile	Siwsana ferch Gruffudd
Páiste	Owain Fychan, Gwenllian ferch Madog ap Maredudd ap Bleddyn, Owain Fychan ap Madog ap Maredudd ap Bleddyn, Cynwrig Efell ap Madog ap Maredudd ap Bleddyn ap Cynfyn, Einion Efell ap Madog ap Maredudd, Marared ferch Madog, Llywelyn ap Madog, Efa ferch Madog, Gruffydd Maelor, Owain Brogyntyn, Efa ferch Madog ap Maredudd ap Bleddyn
Athair	Maredudd ap Bleddyn  agus Hunydd ferch Eunydd ap Gwerngwy
Siblín	Iorwerth Goch ap Maredudd

Ba é Madog ap Maredudd (Meán-Bhreatnais: Madawg mab Maredud, Madawc mab Maredut; cailleadh sa bhliain 1160 é) an prionsa deireanach de chuid Ríocht Powys sa Bhreatain Bheag.An prionsa deireanach de chuid Ríocht Powys sa Bhreatain Bheag.

Saol

Ba mhac le Maredudd ap Bleddyn agus garmhac le Bleddyn ap Cynfyn é Madog.Tháinig sé i gcomharbacht ar Ríocht Powys, tar éis bhás a athar sa bhliain 1132. Ghlac sé páirt i Cath Lincoln sa bhliain 1141, ag tacú le Iarla Chester, in éineacht le Cadwaladr ap Gruffydd (deartháir le Owain Gwynedd) agus le harm mór Breatnach.

Taifeadadh sa bhliain 1149 gur thug sé Cyfeiliog dá chol cheathracha, Owain Cyfeiliog agus Meurig. Sa bhliain chéanna, athtógadh caisleán Oswestry, dúnfort William Fitzalan.

Briseadh le Gwynedd

Um an dtaca seo, bhí Madog agus Powys faoi bhrú Owain Gwynedd, Rí Gwynedd, cé go raibh Madog pósta le Susanna, deirfiúr Owain. Rinne Madog comhghuaillíocht le Ranulf de Gernon, an 4ú Iarla Chester, ach bhuaigh Owain orthu ag Cath Ewloe sa bhliain 1150 agus ghlac sé seilbh ar thailte Mhadog in Iâl. Nuair a rinne an rí Anraí II Shasana ionradh ar Gwynedd sa bhliain 1157, fuair sé tacaíocht ó Mhadog, a ghlac seilbh ar a chuid tailte arís. De réir dealraimh, chuaigh sé ar fheachtas le hAnraí chuig Toulouse, ach theip orthu. Cailleadh Madog ina dhiaidh sin agus é ag filleadh abhaile, ar an 9 Feabhra, 1160 ag Caisleán Whittington. Adhlacadh é sa séipéal Naomh Tysilio i Meifod, príomh-shéipéal Powys.

Comharbacht

Cailleadh mac ba sine Mhadog, Llywelyn, go gairid tar éis bhás a athar, agus roinneadh Powys i measc mac agus garmhac Mhadog. Níor aontaíodh Powys arís go choíche, agus scaradhh in dhá leath é: Powys Fadog (Powys Íochtarach) agus Powys Wenwynwyn (Powys Uachtarach).

An Mabinogion

Tá an scéal “Brionglóid Rhonabwy” suite le linn réimeas Mhadog. Is é Giolla Madog príomhcharachtar an scéil.

Páistí

• Llywelyn ap Madog
• Gruffydd Maelor
• Owain Brogyntyn
• Gwenllian ferch Madog, phós sí Rhys ap Gruffydd, prionsa Deheubarth
• Marared ferch Madog, phós sí Iorwerth Drwyndwn, agus saolaíodh Llywelyn the Great
• Efa ferch Madog, phós sí Cadwallon ap Madog