Músaem Muirí na Gailíse
| Músaem Muirí na Gailíse | ||||
|---|---|---|---|---|
| ||||
| Lipéad sa teanga dhúchais | (gl) Museo Do Mar de Galicia  | |||
| Sonraí | ||||
| Cineál | Músaem muirí agus músaem | |||
| Foirgníocht | 2002 | |||
| Dáta na hoscailte oifigiúla | Meitheamh 2002 | |||
| Suíomh geografach | ||||
| Limistéar riaracháin | Vigo, An Spáinn | |||
| ||||
| Suíomh gréasáin oifigiúil | museodomar.xunta.gal… | |||
Tógadh Músaem Muirí na Gailíse nó Museo do Mar de Galicia[1] in 2004, lonnaithe sa chathair Vigo. Iascaireacht, feirmeoireacht sliogéisc, tógáil báid, gnóthaí móra próiseáil éisc, siopaí móra earraí mara – tádar uile le feiceáil ann.
Taispeántas
[cuir in eagar | athraigh foinse]Insítear stair an cheantair agus go háirithe na tionscail mhóra mhara a d’fhás ann ó thosaigh taiscéalaíocht na mara ón Spáinn. Tá na ‘bateas’ diúilicíní an-fheiceálach amuigh ar an bhfarraige. Sa mhúsaem deirtear go bhfuil 3,000 acu ann agus suas le 12,000 duine ag obair sa tionscal. Agus 300,000 tonna diúilicíní á dtáirgeadh chuile bhliain sa Ghailís féin, is ón nGailís a thagann 20% de tháirgeadh iomlán diúilicíní an domhain.[2]
Tógadh Músaem Muirí na Gailíse in 2004, ach tá cuma an-nua-aoiseach fós air. Tá leagan amach drámatúil air, agus fuinneoga socraithe in áiteacha a thugann léargas amach ar an gcuan, nó ar theach solais, nó ar radharc álainn den saol cois cuain.[2]
An Naomh Gobnait
[cuir in eagar | athraigh foinse]Tá an naomhóg, an ‘Naomh Gobnait’. suite san iarsmalann, timpeallaithe ag taispeántais éagsúla a bhaineann le cathair mhór Vigo – na longa, na báid iascaireachta, na monarchana canála, na longa cabhlaigh, na hinnill, na hiarsmaí ó Mheiriceá, na cairteacha. Thart timpeall ar an Naomh Gobnait, tá taispeántas an-deas ag míniú stair ‘Camino an tSáile’, le cois beagán den stair a bhaineann leis an Spáinn agus Éire ann freisin.
In 2017 Bhásaigh Domhnall Mac Síthigh ó Baile an Fheirtéaraigh in eachtra farraige a tharla amach ó chósta iarthuaisceart na Spáinne, mar ar iompaigh an naomhóg, an Naomh Gobnait, nó Naomhóg na Tinte, béal fúithi.[2]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ i Spáinnis, Museo del Mar de Galicia
- ↑ 2.0 2.1 2.2 Mairéad Ní Nuadháin (21 Meitheamh 2019). "LITIR ÓN SPÁINN: An ‘Naomh Gobnait’ á comóradh, agus tragóid eile sa mhullach orainn" (ga-IE). Tuairisc.ie. Dáta rochtana: 2025-11-12.