Teaghlach Uí Chinnéide
.jpg)  | |
| Sonraí | |
|---|---|
| Cineál | political family (en)  |
| Stair | |
| Suíomh a chartlainne | |
Teaghlach mór le rá i bpolaitíocht na Stát Aontaithe is ea teaghlach Uí Chinnéide.[1] Tá cáil na gCinnéideach ina ábhar spéise agus plé sna Stáit Aontaithe ón uair gur toghadh John F Kennedy an chéad uair mar fheisire comhdhála in 1946, agus mar Uachtarán na Stát Aontaithe, 1961-1963. An ré cháiliúil sin a raibh an teideal ‘Camelot’ baiste air.[2]
‘Camelot’ an teideal a tugadh do na Cinnéidigh sa Teach Bán; daoine saibhre, daoine ábalta, daoine dathúla, daoine cumhachtacha agus daoine a leag béim ar shaol a bheadh níos fearr do chuile dhuine – saol an aoibhnis ar nós an cheoldráma ‘Camelot’. Ba é an scríbhneoir Theodore White a bhaist an teideal sin ar na Cinnéidigh tar éis dó Jacqueline Kennedy an ré sin a chur i gcomórtas le ‘Camelot’ in agallamh a rinne sí leis.[3]
Sna glúnta ó feallmharaíodh é (sa bhliain 1963) tá Seanadóirí, iarrthóirí uachtaránachta, baill chomhdhála, gobharnóirí stát agus ambasadóirí go leor luaite leis an teaghlach agus iad áirithe mar rítheaghlach i measc pholaiteoirí na Stát Aontaithe.[4]
1999
[cuir in eagar | athraigh foinse]Ba mhinic a dúradh go mbeadh a uncail John F Kennedy Junior ag leanacht le hoidhreacht an teaghlaigh sa bpolaitíocht sular maraíodh é féin i dtimpiste aeir i 1999.
2020
[cuir in eagar | athraigh foinse]Theip ar Joseph P Kennedy in 2020 nuair a rinne sé iarracht dúshlán Ed Markey, seanfhondúir de chuid na nDaonlathach, atá ina sheanadóir i Massachusetts le blianta fada a thabhairt. Bhí sé éirithe as a shuíochán comhdhála féin agus dá réir ní raibh aon bhall de theaghlach Uí Chinnéide tofa in Washington don chéad uair ó lár an chéid seo caite. Cheap go leor go raibh deireadh, dá réir, leis an aisling agus le páirtíocht na gCinnéideach ag an leibhéal is airde i bpolaitíocht de chuid na Stát Aontaithe.[4]
2024
[cuir in eagar | athraigh foinse]Nuair a cheap Donald Trump Robert F Kennedy Jr mar bhall dá rialtas sa bhliain 2024, d’eisigh teaghlach Uí Chinnéide físeán inar léirigh siad díomá lena chuid tuairimí agus lena chinneadh a bheith bainteach le réimeas Trump. Is chun donachta atá an scéal ag dul ó shin agus Kennedy ag moladh polasaithe nach bhfuil i gclár ná i bhfoirm le smacht a chur ar chúrsaí sláinte poiblí i Meiriceá.[4]
2025
[cuir in eagar | athraigh foinse]D'fhógair Jack Schlossberg, garmhac John F Kennedy agus mac Caroline Kennedy, in 2025 go mbeadh sé san iomaíocht sna toghcháin lár téarma 2025. Tá sé ag seasamh i gceantar a 12 i Nua-Eabhrac agus súil aige an suíochán a bhíodh ag Jerry Nadler do na Daonlathaigh a bhuachan. Tá sé ar dhuine de dháréag atá san iomaíocht sna réamhthoghcháin.[4]
Féach freisin
[cuir in eagar | athraigh foinse]- Joseph P. Kennedy, Sr.
- John F. Kennedy agus Jacqueline Kennedy Onassis
- Robert F. Kennedy Sr
- Ted Kennedy agus Joan Bennett Kennedy
- Caroline Kennedy
- Robert F Kennedy Jr (1954-)
- Joe P. Kennedy III (1980 -)
- Jack Schlossberg, garmhac John F Kennedy
- William Cavendish, Marcas Hartington (1917-1944)
Imeachtaí
[cuir in eagar | athraigh foinse]Tagairtí
[cuir in eagar | athraigh foinse]- ↑ nó Chlann Uí Chinnéide nó i mBéarla, The Kennedy Family
- ↑ Mairéad Ní Nuadháin (17 Deireadh Fómhair 2025). "An uair gur bheag nár maraíodh duine eile de na ‘Kennedys’" (ga-IE). Tuairisc.ie. Dáta rochtana: 2025-12-16.
- ↑ Máirtín Ó Catháin (23 Nollaig 2015). "Litir chuig Daidí na Nollag ó Camelot…" (ga-IE). Tuairisc.ie. Dáta rochtana: 2025-12-16.
- ↑ 4.0 4.1 4.2 4.3 Máirín Ní Ghadhra (16 Nollaig 2025). "Léas dóchais nua ag muintir Chinnéide i saol na polaitíochta i SAM" (ga-IE). Tuairisc.ie. Dáta rochtana: 2025-12-16.
