Jules Laforgue

Jules Laforgue

Beathaisnéis
Breith	16 Lúnasa 1860 Montevideo, Uragua
Bás	20 Lúnasa 1887 27 bliana d'aois Páras, An Fhrainc
Siocair bháis	Bás nádúrtha (Eitinn)
Áit adhlactha	Cimetière parisien de Bagneux, 8
Faisnéis phearsanta
Scoil a d'fhreastail sé/sí	Lycée Condorcet
Teanga dhúchais	an Fhraincis
Gníomhaíocht
Gairm	file, aistritheoir, scríbhneoir próis
Teangacha	An Fhraincis

File siombalaíoch Francach ab ea Jules Laforgue. Do rugadh é i Montevideo, príomhchathair Uragua, ar an 16ú lá de Lúnasa sa mbliain 1860, agus do fuair sé bás i bPáras na Fraince ar an 20ú lá de Lúnasa sa mbliain 1887. Tá clú ar Laforgue mar dhuine dóibh siúd a chum an vers libre (Gaeilge: saormheadaracht) agus a chuir an tsaormheadaracht seo chun cinn i bhfilíocht na Fraince. Ina chuid filíochta, meascann Laforgue dearcadh doirbh ar an saol, doilbhe, greann agus ceol na gnáth-theanga labhartha.

Is cosúil gurb é an cnuasach filíochta Les Complaintes (Gaeilge: 'Na Caointe') an saothar is cáiliúla de chuid Laforgue. Anuas ar an gcnuasach san, do scríobh sé scéalta i bprós - Moralités légendaires (Gaeilge: 'Ceachtanna Finscéalacha'), leabhar nár foilsíodh é ach tar éis do Laforgue bás a fháilt - agus do chuir sé Fraincis ar Leaves of Grass, an saothar mórcháiliúil de chuid Walt Whitman. Ba í an Nouvelle revue française (Gaeilge: 'Nua-Iris Fhrancach') a d'fhoilsigh an t-aistriúchán san sa mbliain 1918 agus Feuilles d'herbe an teideal a bhí air.