John Hely-Hutchinson

John Hely-Hutchinson
Ball Parlaiminte i bParlaimint na hÉireann
Saol
Eolas breithe	1724
Bás	4 Meán Fómhair 1794
Muintir
Athair	Francis Hely
Máthair	Prudence Earbury
Céile/Céilí	Christiana Hely-Hutchinson, 1st Baroness Donoughmore (en)  (Meitheamh 8, 1751 -
Páistí	liosta iomláin Christopher Hely-Hutchinson Mary Hely Hutchinson Richard Hely-Hutchinson, 1st Earl of Donoughmore (en) John Hely-Hutchinson, 2nd Earl of Donoughmore (en) Augustus Abraham Hely Hutchinson Francis Hely-Hutchinson
Oideachas
Alma mater	Coláiste na Tríonóide, Baile Átha Cliath
Gairm
Gairm	polaiteoir
Duaiseanna	Comhalta den Chumann Ríoga
Ballraíocht	Cumann Ríoga

Dlíodóir, státaire agus Propast ar Choláiste na Tríonóide, BÁC, ab ea John Hely-Hutchinson (1724 – 4 Meán Fómhair 1794). Bhí sé gníomhach sna fiche nó tríocha bliain dheireanacha de Pharlaimint na hÉireann.

Saol

Céimí de chuid Choláiste na Tríonóide, Baile Átha Cliath ba ea Hely-Hutchinson, a bhain BA amach sa bhliain 1744.

Glaodh chun Bharra na hÉireann air sa bhliain 1748. Go luath ina shaol oibre a rinneadh ard-abhcóide agus ríchomhairleoir de. Bhí sé ina Phríomh-Rúnaí Stáit ó 1777 go 1794.

Státaire

Bhí Hely-Hutchinson ina bhall de Theach na gComóntach d'Éirinn (thar ceann trí thoghcheantar ar leith) ó 1759 go dtí go bhfuair sé bás.

Abhcóide an-rathúil agus parlaiminteoir agus riarthóir de scoth, bhailigh Hely-Hutchinson onóracha agus poist mar gheall ar an bpáirt ríthábhachtach a bhí aige agus é ag bainistiú Theach na gComóntach thar ceann an Rialtais.

D'aontaigh Hely-Hutchinson leis an ngluaiseacht i bhfabhar neamhspleáchas reachtach pharlaimint na hÉireann, cé gur chuir an oifig a bhí aige bac ar an méid a d'fhéadfadh sé a rá faoi.

Propast ar Choláiste na Tríonóide, BÁC,

Profast

Sa bhliain 1774 d'éirigh Hely-Hutchinson as mar ard-abhcóide agus thug sé tuarastal gan saothrú suas (a bhí aige ó 1769), ionas go mbeadh sé in ann a bheith ina Phrofast ar Choláiste na Tríonóide, post a bhí aige go dtí a bhás.

Measadh den chuid is mó go raibh sé ina phrófast an-éifeachtach. Mhol sé go láidir go ligfí mic léinn Caitliceacha isteach sa choláiste. Ina theannta sin, thug sé tacaíocht láidir do shaorthrádáil (agus bhí sé ar dhuine de na chéad pholaiteoirí a ghlac le tuairimí Adam Smith maidir leis an ábhar seo agus ábhair ghaolmhara).