Joan Bennett Kennedy
.jpg)  | |
| Beathaisnéis | |
|---|---|
| Breith | (en) Virginia Joan Bennett 2 Meán Fómhair 1936 Nua-Eabhrac, SAM |
| Bás | 8 Deireadh Fómhair 2025 89 bliana d'aois Bostún, Massachusetts |
| Faisnéis phearsanta | |
| Reiligiún | An Eaglais Chaitliceach Rómhánach |
| Scoil a d'fhreastail sé/sí | Manhattanville University (en)  - Baitsiléir Ealaíon Ollscoil Lesley - Máistir Ealaíon |
| Gníomhaíocht | |
| Gairm | péiceallán, scríbhneoir, pianódóir, mainicín |
| Ball de pháirtí polaitíochta | an Páirtí Daonlathach |
| Teangacha | Béarla |
| Uirlis | Pianó |
| Teaghlach | |
| Céile | Ted Kennedy (1958–1982), colscaradh |
| Páiste | Kara Kennedy, Edward M. Kennedy Jr., Patrick J. Kennedy |
| Athair | Harry Wiggin Bennett (en) agus Virginia Joan Stead (en) |
| |
Bhí Virginia Joan Bennett Kennedy, mainicín agus pianódóir as Massachusetts (1936-2025) ina céad bhean chéile (1958–1982) ag an Seanadóir Ted Kennedy.
.jpg)
_-_Rory_Kennedy_(1).jpg)
.jpg)
Beatha
[cuir in eagar | athraigh foinse]Mainicín a bhí intí nuair a thug Ted Kennedy suntas di ar thuras go Nua-Eabhrac i 1957. Ach chomh maith leis an dathúlacht, ba cheoltóir cumasach clasaiceach a bhí inti ar an bpianó. Scríobh sí leabhar faoin gceol clasaiceach.[1] Bhí sí ar dhuine den teaghlach iomráiteach a bhain le tréimhse ‘Camelot’ i stair Mheiriceá – tráth a raibh John F Kennedy, deartháir a céile, ina Uachtarán ar Stáit Aontaithe Mheiriceá.
Toghadh Ted Kennedy ina Sheanadóir do Massachusetts i 1962. Bhí cáil na fánaíochta air scaití agus cáil na dráibhéireachta, cáil an óil agus cáil na bradaíola ó thaobh na mban de. Tháinig an crú ar tairne uilig i 1969 nuair a chuaigh an carr a bhí sé a thiomáint sa bhfarraige i Chappaquiddick, oileán amach ó chósta Mhassachusetts. Bádh an paisinéara ban a bhí ina chuideachta – dúirt sé go raibh sé ag tabhairt síob abhaile di – agus shnámh sé féin as contúirt.[1]
Sheas a bhean chéile leis agus mhair an dílseacht sin go dtí deireadh na 1970idí nuair a chuaigh Ted Kennedy ag fiach ar ainmniúchán na nDaonlathach do thoghchán 1980. Chasadh Joan an pianó ag tús na n-ócáidí stocaireachta. ‘This Land Is Your Land’, amhrán Woodie Guthrie, an fonn a chastaí. D’fhéadfadh sé – go réadúil - a bheith tarlaithe sa stair, go mbeadh Joan Kennedy ina máistreás ar an Teach Bán – an First Lady – ach is iomaí sin cor agus casadh a bhí ina cosán. Thug Ted Kennedy iarraidh faoin Uachtaránacht i 1980 ach bhí an iomarca smionagar pearsanta le láimhsiú aige.[1]
Scar Ted agus Joan Kennedy óna chéile uilig i 1982. Bhí triúr páiste acu - Kara, Edward Jr., agus Patrick.
Sna 1980idí, chuaigh Joan Kennedy ar an ól go trom agus bhí sí tamall ina sraoill ar an tsráid. Fuarthas ag tráth amháin í agus í sínte ar chosán i mBoston, a gualainn briste agus fuil lena héadan de bharr titim agus í óltach. Fiú agus go raibh sí feiceálach agus cumasach, ba go drogallach a thug sí faoin saol poiblí, rud nach raibh ag teacht léi go nádúrtha. Buaileadh go leor den mhilleán faoi chás Joan Kennedy ar a fear céile.
Moladh Joan Kennedy as an gcaoi ar labhair sí amach go poiblí faoina deacrachtaí leis an ól agus an ísle brí agus tá a cuid misnigh agus a cuid dea-thréithe molta ag a beirt mhac. Bhí duine acu, Patrick Kennedy, ina Fheisire go dtí Teach na nIonadaithe i Washington thar cheann Stát Rhode Island.
Shéalaigh sí i mBoston ar an 11 Deireadh Fómhair 2025 in aois naoi mbliana agus ceithre scór.[1]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ 1.0 1.1 1.2 1.3 Máirtín Ó Catháin (12 Deireadh Fómhair 2025). "Bás Joan Kennedy – duine eile as teaghlach ‘Camelot’ imithe" (ga-IE). Tuairisc.ie. Dáta rochtana: 2025-11-09.