Jilan Wahba Abdalmajid
.jpg) (2024)  | |
| Beathaisnéis | |
|---|---|
| Breith | (ar) جيلان صالح سعيد وهبة 25 Lúnasa 1969 56 bliana d'aois Cathair Gaza |
| 7 Ambasadóir na Palaistíne go hÉirinn | |
| 23 Eanáir 2020 – ← Ahmed Abdelrazek | |
| Tánaiste Ambasadóir na Palaistíne go hÉirinn | |
| 2013 – 2020 | |
| Faisnéis phearsanta | |
| Scoil a d'fhreastail sé/sí | Ollscoil na Niocóise - margaíocht (–2019) |
| Teanga dhúchais | an Araibis |
| Gníomhaíocht | |
| Gairm | taidhleoir |
| Fostóir | Ministry of Foreign Affairs and Expatriates of the State of Palestine (en)  (1995–) |
| Teangacha | An Araibis |
   
| |
Is taidhleoir Palaistíneach í an Dr Jilan Wahba Abdalmajid atá mar ambasadóir na Palaistíne chun na hÉirinn ó mhí na Samhna 2024 i leith, ón uair a bunaíodh caidreamh taidhleoireachta foirmiúil idir Phoblacht na hÉireann agus Stát na Palaistíne ar an 29 Meán Fómhair 2024. Bhí sí ina Ceann Misean ag Údarás na Palaistíne i bPoblacht na hÉireann ón mbliain 2020 amach. Tháinig an t-ardú céime go hambasadóir oifigiúil tar éis go ndearna Poblacht na hÉireann Stát na Palaistíne a aithint i mí Bealtaine 2024.[1][2][3][nóta 1][4]
Oideachas
[cuir in eagar | athraigh foinse]Bhain Wahba Abdalmajid PhD amach in Ollscoil na Niocóise (UNIC).[5]
Gairm bheatha
[cuir in eagar | athraigh foinse]Chuir Wahba Abdalmajid tús lena cuid seirbhís taidhleoireachta le hAireacht Gnóthaí Eachtracha na Palaistíne sa bhliain 1995 mar leas-phríomhfheidhmeannach prótacail. Dá éis sin cuireadh ar post í sa Chipir. Tháinig sí chun na hÉirinn sa bhliain 2014 mar Leas-Cheann Misin faoi Ahmad Abdelrazek. Chuir sí a cuid dintiúr mar Cheann Misin Údarás na Palaistíne i bPoblacht na hÉirinn faoi bhráid an Uachtaráin Michael D. Higgins i mí Eanáir 2020.[6][7]
I 2021, bhronn Diplomacy in Ireland – The European Diplomat Bonn Seirbhíse Taidhleoireachta uirthi ar son feabhais in úsáid na meán sóisialta chun tacú le hiarrachtaí taidhleoireachta.[8] Táthar tar éis Wahba Abdalmajid a áireamh ar na guthanna baineanna Palaistíneacha is mó le rá dá bhfuil ann.[9]
Nuair a fógraíodh sa bhliain 2024 go raibh forógra aitheantais á dhréachtú dúirt an Dr Wahba Abdalmajid gur "dea-scéal" agus "léas dóchais" a bhí ann, bíodh is "gur cheart aitheantas a bheith tugtha ag Éirinn don Phalaistín roimhe seo."[10][2]
Is í an Dr Wahba Abdalmajid a osclós an fhéile cheoil Dorn san Aer i mbliana, i ngeall ar an dtacaíocht a thug Rónán Mac Aodha Bhuí do mhuintir na Palaistíne le linn a shaoil.[11][12]
Saol pearsanta
[cuir in eagar | athraigh foinse]Tá sí pósta ar Rami Abdalmajid agus tá triúr clainne aice.[13]
Seasaimh pholaitiúla
[cuir in eagar | athraigh foinse]I mí na Nollag 2021, thug Jilan Wahba Abdalmajid rabhadh in agallamh leis an nuachtán Beilgeach De Morgen go raibh cúrsaí i Stráice Gaza i riocht a bpléasctha dá leanfaí ar aghaidh leis an imshuí.[9]
Tagairtí
[cuir in eagar | athraigh foinse]- ↑ "Ambasadóir iomlán ón bPailistín chun na hÉireann ceaptha". Nuacht RTÉ (5 Samhain 2024).
- ↑ 2.0 2.1 "Brat na Palaistíne le crochadh ag Teach Laighean agus aitheantas stáit le teacht i bhfeidhm". Tuairisc.ie (2024-05-28). Dáta rochtana: 2025-09-08.
- ↑ Sorcha Pollak. “Palestinian ambassador to Ireland: ‘The Irish know exactly how the Palestinians feel about occupation’” (as Béarla). The Irish Times.
- ↑ "Aitheantas mar stát tugtha don Phailistín tar éis vóta Dála aréir.". Nuacht RTÉ (11 Nollaig 2014).
- ↑ Abdalmajid (2019). “Nation Branding: An Integrated Framework for Developing a Nation Brand for Palestine from Stakeholders' Perspectives” (as Béarla). University of Nicosia (UNIC). Dáta rochtana: 12 November 2024.
- ↑ “Mission of the State of Palestine in Ireland” (as Béarla).
- ↑ Ciarán Galway. “100 days: Ambassador of the State of Palestine to Ireland” (as Béarla). Eolas Magazine.
- ↑ O'Hurley. “Announcement of Award of Diplomatic Service Medal – Dr. Jilan Abdalmajid & Ms. Sarah Holland” (as Béarla). Diplomacy Ireland.
- ↑ 9.0 9.1 Montasser Alde'emeh. “Palestijns ambassadeur Jilan Wahba Abdalmajid: ‘Het is gewoon wachten op de volgende oorlog’” (as Pléimeannais). De Morgen.
- ↑ "'Ba chóir an Phalaistín a bheith aitheanta ag Éirinn roimhe seo'". Nuacht RTÉ (10 Aib 2024).
- ↑ "Féile cheoil in ómós do Rónán Mac Aodha Bhuí le reáchtáil i nGaeltacht Dhún na nGall arís i mbliana". Tuairisc.ie (2025-08-06). Dáta rochtana: 2025-09-07.
- ↑ Storm Eaton-Kilgallen (13 Lúnasa 2025). "Beidh an Dorn san Aer ag na Gaeil arís eile le scoth na siamsaíochta". Seachtain: lch 4.
- ↑ Martin Quinn. “Palestinian Ambassador's visit to Tipperary Town and Bansha”. TipperaryLive.
Nótaí
[cuir in eagar | athraigh foinse]- ↑ .i. nach mór 10 mbliana tar éis gur vótáil Dáil Éireann ar a shon