James McNeill Whistler

Ón Vicipéid, an chiclipéid shaor.
James McNeill Whistler, féinphortráid

Péintéir agus eitseálaí Meiriceánach ab ea James Abbott McNeill Whistler (10 Iúil 1834 – 17 Iúil 1903). Rugadh i Lowell, Massachusetts, é ach chaith sé an chuid ba mhó dá shaol mar dhuine fásta i Sasana. Ní raibh áit ina chuid saothar ealaíne don mhaoithneachas ná le tagairtí mórálta. Chleacht sé "ealaín ar son ealaíne", agus b'fhearr leis stíl dhíreach neamhornáideach. Tá sé sin le feiceáil ina shíniú, a bhí stílithe i bhfoirm fhéileacáin a raibh ga righin fada air in áit an eireabaill. Tá clú ar mhórshaothar leis, Arrangement in Gray and Black no. 1 (1871) nó, mar is fearr aithne air, Máthair Whistler. D'éag sé i Londain Shasana agus é 69 bliana d'aois.

A óige[athraigh | athraigh vicithéacs]

Rugadh James Whistler i Lowell, Massachusetts, agus tógadh é i Lowell, Stonington, Connecticut, Springfeld, Massachusetts, agus ansin Cathair Pheadair, sa Rúis. Innealtóir iarnróid ab ea a athair. Fostaíodh an t-athair ar feadh tamaill chun iarnród a thógáil sa Rúis. Blianta ina dhiaidh sin, agus James fásta, thug sé an leabhar gurb i gCathair Pheadair a saolaíodh é. Dúirt sé go raibh cead aige áit a bhreithe a roghnú agus nárbh é Lowell a rogha.[1] D'fhreastail sé ar Acadamh Míleata na Stát Aontaithe ag West Point, Nua-Eabhrac.

Arrangement in Gray and Black no. 1
Symphony in White no 1 ("An Cailín Bán"), 1862

Tagairtí[athraigh | athraigh vicithéacs]

  1. Lisa N. Peters, James McNeill Whistler, Smithmark, Nua-Eabhrac, 1996, lch. 4, ISBN 0-7651-9961-0