Indira Gandhi
,_Bestanddeelnr_929-0811_(cropped).jpg)
_ribbon.svg){kind=small}
Polaiteoir Indiach ab ea Indira Priyadarshini Gandhi (IPA (Hiondúis) ˈɪnːdɪrə ˈɡaːnd̪ʱi; née Nehru; 19 Samhain 1917 – 31 Deireadh Fómhair 1984). Ise an t-aon bhanphríomh-aire i stair na hIndia. Aon-iníon Jawaharlal Nehru, chéad phríomh-aire na hIndia,[1] ab ea í (ní raibh sí gaolta le Mahatma Gandhi).
Bhí Indira Gandhi ina príomh-aire ó 1966 go 1977 agus ansin arís ó 1980 gur feallmharaíodh í sa bhliain 1984.
Óige[cuir in eagar | athraigh foinse]
Rugadh Indira isteach i dteaghlach Caismíreach Pandit ar 19 Samhain 1917 in Allahabad. Bhí ról mór ag a hathair, Jawaharlal Nehru, sa ghluaiseacht ar son neamhspleáchas na hIndia faoi na Briotanaigh.
Bhí Indira an t-aon pháiste sa teaghlach agus d'fhás sí aníos lena máthair, Kamala Nehru, san Anand Bhavan, eastát mór ag muintir Nehru in Allahabad.
.jpg)
Bhí sí uaigneach míshuaimhneach agus í óg. Bhíodh a máthair tinn go minic agus a athair amuigh ag obair ar chúrsaí polaitíochta nó i bpríosún ag na Briotanaigh. Trí mheán litreacha a raibh cumarsáid aici leis sa chuid ba mhó.
.jpg)
Polaitíocht[cuir in eagar | athraigh foinse]
Sna 1950idí d'oibrigh Gandhi mar chúntóir pearsanta dona hathair le linn a thréimhse mar chéad-Phríomh-Aire na hIndia.[2]
Ag druidim ar dheireadh na 1950idí, bhí Gandhi ina huachtarán ar an Indian National Congress.
Sa bhliain 1966, toghadh Gandhi mar Phríomh Aire ar an India, an chéad bhean a toghadh le bheith ina ceannaire ar an tír.
Bhí Gandhi ina príomh-aire ar India ó 1966 go 1977 agus ansin arís idir 1980-1984.
D'éag a mhac, Sanjay Gandhi, i dtimpiste eitleáin (agus é ag spraoi eitilt) sa bhliain 1980. Rinneadh iarrachtaí é a fheallmharú trí huaire roimh a bhás.
Feallmharú[cuir in eagar | athraigh foinse]
Feallmharaíodh í sa bhliain 1984. Bhí an léiritheoir Rory O'Farrell agus an fear ceamara Séamus Smith ann ag an am, in éineacht le Peter Ustinov, chun agallamh a dhéanamh le Gandhi.[3] Nuair a scaoil Suícigh í, coimeádadh an criú lena ceistiú ar feadh sé uaire.
Rinne Marian Finucane agallamh léi i Lúnasa 1984.[3]
Tháinig a mhac, Rajiv Gandhi, i gcomharbas uirthi mar phríomhaire tar éis a báis (agus feallmharaíodh é chomh maith, ar 21 Bealtaine 1991).
Féach freisin[cuir in eagar | athraigh foinse]
Tagairtí[cuir in eagar | athraigh foinse]
- ↑ Ba é Jawaharlal Nehru an chéad Taoiseach ar an India tar éis dóibh an tsaoirse a bhaint amach ón Bhreatain Mhór
- ↑ Steinberg, Blema S. Women in power : the personalities and leadership styles of Indira Gandhi, Golda Meir, and Margaret Thatcher, 2008. McGill-Queen's University Press, Montreal. Isbn 978-0-7735-3356-1. Leathanach 20 (Google Books : arna rochtain ar 2 Nollaig 2015
- ↑ 3.0 3.1 "Indira Gandhi Born Into Politics" (en). RTÉ Archives. Dáta rochtana: 2021-11-01.