Jump to content

Idirnáisiúnta Cumannach Réabhlóideach

Ón Vicipéid, an chiclipéid shaor.

  

Is eagraíocht idirnáisiúnta polaitiúil Trotscíoch í an Idirnáisiúnta Cumannach Réabhlóideach (ICR). Bunaíodh í mar an Coiste d'Idirnáisiúnta Marxach (CIM) ag an teoiricí polaitiúil as an Afraic Theas, Ted Grant, a bhí lonnaithe sa Bhreatain, agus a lucht tacaíochta tar éis scaradh leis an gCoiste d'Idirnáisiúnta Oibrithe i 1992, agus athainmníodh í ina dhiaidh sin mar an Claonadh Marxach Idirnáisiúnta (IMT) i 2004 sular ghlac sí a hainm reatha chuici féin i mí an Mheithimh 2024. Bíonn suíomh gréasáin na heagraíochta, Marxist.com, eagraithe ag Alan Woods. Tá an suíomh ar fáil i dteangacha éagsúla, agus foilsíonn sé ailt faoi chúrsaí reatha idirnáisiúnta scríofa ó dhearcadh Marxach, chomh maith le hailt stairiúla agus teoirice.

Tá liosta de na rannóga náisiúnta eagsúla á coinneáil ar fáil ag an idirnáisiúnta ar an suíomh idirlíon.

Stair

[cuir in eagar | athraigh foinse]

Ba ghrúpa iontrála laistigh de Pháirtí Lucht Oibre na Breataine é an claonadh Militant a bhí bunaithe timpeall ar an nuachtán Militant a bunaíodh sa bhliain 1964. Sa bhliain 1974, thosaigh Militant, agus a chomhghuaillithe sa tSualainn, in Éirinn, agus i dtíortha eile, an Coiste d'Idirnáisiúnta na nOibrithe . Ghlac tuilleadh daoine ballraíocht san eagraíocht le linn na 1970idí agus i rith na luath-1980idí agus bhí sí i gceannas ar Chomhairle Cathrach Learphoill . Sa bhliain 1983, díbríodh an chúigear ball de bhord eagarthóireachta nuachtáin Militant as an Pháirtí Lucht Oibre as sárú a dhéanamh ar bhunreacht an pháirtí, agus lean díbirtí bhaill Militant ar aghaidh ar feadh an chuid eile ar fad na 1980idí. [1] [2] [3] Bhí Ted Grant ina cheannaire fadtréimhseach ar Militant go dtí gur deighil siad go luath sa bhliain 1992 mar gheall ar roinnt saincheisteanna agus díbríodh é uaidh. I 1992, bhunaigh Grant agus a lucht tacaíochta an tAchomharc Sóisialach (AS) sa Bhreatain. [4] Díbríodh AS as Páirtí an Lucht Oibre in 2021 mar chuid de purgú forleathan ar ghrúpaí den eite chlé a thaispeán tacú don ceannaire roimh ré de chuid Pháirtí an Lucht Oibre, Jeremy Corbyn, agus d’fhéadfaí aon bhall de Pháirtí an Lucht Oibre a fuarthas a bheith ina bhall den Achomharc Sóisialach a bhaint láithreach. [5]

Ag an Chomhdháil Dhomhanda s'aici sa bhliain 2004, athtugadh an Claonadh Marxach Idirnáisiúnta (CMI) ar an eagraíocht. [6]

Go mall sa bhliain 2009, d'éirigh achrann idir an cheannaireacht CMI agus ceannairí a rannóga sa Spáinn (El Militante), sa Veiniséala (Corriente Marxista Revolucionaria) agus sa Mheicsiceo (Partido Comunista Revolucionario). I mí Eanáir 2010, deighil na heagraíochtaí seo, mar aon leis an ngrúpa sa Cholóim agus leis an gcuid Meicsiceo, ón IMT agus bhunaigh siad foras idirnáisiúnta nua, an Izquierda Revolucionaria (An Eite Chlé Réabhlóideach). [7] [8] Roghnaigh mionlaigh sa Veiniséala agus sa Spáinn fanacht leis an IMT agus rannóga úra a chruthú. [9] Lainseáíl an rannóg Veiniséalach úr de chuid IMT a nuachtán, Lucha de Clases, i mí Aibreáin 2010. [10] Sa bhliain chéanna, tharlaigh scoilt bheag eile. D’fhág formhór na rannóige Sualannach, mar aon le faicsin na Polainne, na Breataine agus daoine ar leith ó roinnt rannóga eile an IMT chun grúpa nua a bhunú darb ainm I dTreo Claonadh Idirnáisiúnta Nua. [11] Chomh maith, scoilt an rannóg Iaránach den IMT mar gheall ar dearcadh an idirnáisiúnta ar chaidreamh cairdiúil na Veiniséala le rialtas na hIaráine agus sa bhliain 2011, lainseáil siad Athbheochan Mharxach. [12]

Mar chuid de phlean atheagrú forleathan ar a rannóga, d’athraigh an Claonadh Marxach Idirnáisiúnta a ainm go an Idirnáisiúnta Cumannach Réabhlóideach i mí an Mheithimh 2024. [13]

Tagairtí

[cuir in eagar | athraigh foinse]
  1. ↑ Tá ort na hargóintí 'teideal =' agus 'url =' a shonrú nuair a úsáideann tú {{ lua idirlín}}. "". BBC News.
  2. ↑ Tá ort na hargóintí 'teideal =' agus 'url =' a shonrú nuair a úsáideann tú {{ lua idirlín}}. "". The Guardian.
  3. ↑ Tá ort na hargóintí 'teideal =' agus 'url =' a shonrú nuair a úsáideann tú {{ lua idirlín}}. "". BBC News.
  4. ↑ Tá ort na hargóintí 'teideal =' agus 'url =' a shonrú nuair a úsáideann tú {{ lua idirlín}}. "". The Guardian.
  5. ↑ Tá ort na hargóintí 'teideal =' agus 'url =' a shonrú nuair a úsáideann tú {{ lua idirlín}}. "". The Guardian.
  6. ↑ “Conference of the international Marxist tendency: An historic meeting” (en-gb). In Defence of Marxism (10 September 2004). Dáta rochtana: 6 September 2023.
  7. ↑ Tá ort na hargóintí 'teideal =' agus 'url =' a shonrú nuair a úsáideann tú {{ lua idirlín}}. "". Weekly Worker. Cartlannaíodh an bunleathanach ar 24 December 2012.
  8. ↑ “Revolutionary Marxist Current”. Cartlannaíodh an bunleathanach ar 10 February 2010. Dáta rochtana: 3 February 2010.
  9. ↑ “Corriente Marxista Internacional – Venezuela”. Lucha de Clases. Cartlannaíodh an bunleathanach ar 16 June 2012. Dáta rochtana: 5 June 2012.
  10. ↑ “New Venezuelan IMT website and paper launched”. In Defence of Marxism (12 April 2010).
  11. ↑ “Towards A New International Tendency”. Towards a New International Tendency. Cartlannaíodh an bunleathanach ar 15 July 2012. Dáta rochtana: 5 June 2012.
  12. ↑ “Committee for Marxist Revival”. Marxist Revival. Cartlannaíodh an bunleathanach ar 8 June 2012. Dáta rochtana: 5 June 2012.
  13. ↑ “Launch of the Revolutionary Communist International”. Dáta rochtana: 1 August 2024.

Naisc sheachtracha

[cuir in eagar | athraigh foinse]

Teimpléad:Political internationals

Aisghafa ó "https://ga.wikipedia.org/w/index.php?title=Idirnáisiúnta_Cumannach_Réabhlóideach&oldid=1299611"