Hamnet (scannán)

Hamnet
	;
Buneolas
Stiúrthóir	Chloé Zhao
Príomhcharachtair	Jessie Buckley; Paul Mescal; Zac Wishart; James Lintern; William Bowery; Justine Mitchell; Eva Wishart; Effie Linnen; Emily Watson; David Wilmot; Freya Hannan-Mills; Dainton Anderson; James Skinner; Louisa Harland; Elliot Baxter; Faith Delaney; Smylie Bradwell; Laura Guest; John MacKay; Jacobi Jupe; Olivia Lynes; Bodhi Rae Breathnach; Albert McCormick; Eliah Arnstjerna; Edward Anderson; Noah Jupe; El Simons; Sam Woolf; Hera Gibson; Jack Shalloo; Raphael Goold; Shaun Mason; Matthew Tennyson; Clay Milner Russell; Javier Marzan
Léiriú	Pippa Harris, Sam Mendes agus Steven Spielberg
Dearthóir léiriúcháin	Fiona Crombie (en)
Script	Chloé Zhao agus Maggie O'Farrell
Ceol	Max Richter
Grianghrafadóireacht	Łukasz Żal
Eagarthóireacht scannáin	Affonso Gonçalves agus Chloé Zhao
Feisteas	Malgosia Turzanska
Comhlacht léiriúcháin	Neal Street Productions (en) agus Amblin Partners
Dáileoir	Focus Features, Universal Pictures agus UIP-Dunafilm
Mionsonraí
Tír bhunaidh	Stáit Aontaithe Mheiriceá agus an Ríocht Aontaithe
Céadléiriú	29 Lúnasa 2025
Fad ama	125 min
Bunteanga	Béarla
Suíomh scannánaíochta	an Bhreatain Bheag, Herefordshire agus London Charterhouse
Dath	daite
Formáid	1.66:1
Buiséad	30,000,000 $
Cur síos
Bunaithe ar	Hamnet
Seánra	scannán drámaíochta agus scannán beathaisnéise
Rátáil MPAA	PG-13
Príomhábhar	William Shakespeare agus Anne Hathaway
Suíomh scéalaíochta	Stratford-upon-Avon agus Londain

Bean as Éireann, Maggie O’Farrell, a scríobh an leabhar ar a bhfuil an scannán Hamnet (2025) bunaithe. Ghnóthaigh Jessie Buckley, aisteoir as Cill Airne, Golden Globe as a ról sa scannán, in éineacht le Paul Mescal.^[1]

Plota

Casann Will Shakespeare óig naoi mbliana déag d’aois ar Agnes (Anne Hathaway), an chéad uair a leagadar súil ar a chéile. Ba léir an lasair mhaighnéadach eatarthu. Thugadar lámh is focal dá chéile an chéad lá sin. I mBéarla neamhfhoirmeálta Eilíseach na linne, bhíodar hand-fasted. Grá téisiúil atá ann, a thabharfaidh a sáith den anró ar ball dóibh, nuair a sciobfaidh an phlá a n-aonmhac Hamnet agus gan ach aon bhliain déag slánaithe ag an bplúr-leaidín álainn óg.^[2]

Téann an stiúrthóir scannáin Chloé Zhao go bun an angair ag tumadh rúndiamhair an ghrá a bheir greim anama is coirp ar Agnes, iníon bhean feasa na foraoise, agus ar Will, mac an cheardaí lámhainní. Ríomhtar go máistriúil dímheas an dá theaghlach, Hathaway agus Shakespeare, ar a chéile ón tús. Níltear ag súil go mbeidh rath ar an bpósadh. Ní thuigeann éinne seachas iad féin foirnéis spleodrach na díse míorúiltí seo, ná an chros-toirchiú a bhronnfaidís ar a chéile san insint shamhlaíoch seo ar scéal grá Anne Hathaway agus William Shakespeare agus ar an treascairt a d’fhulaingeoidís, mar bhean is mar fhear, nuair a bhuail ráig de phlá mharfach an tír galar a sciob uathu Hamnet óg.^[2]

Hamlet

Tá nasc ann idir ainm leaidín Shakespeare agus an dráma Hamlet. Tugann an consaeit gléas meafarach an-éifeachtach don scannánóir le treascairt Will agus Agnes Shakespeare a léiriú. Tharla an chéad léiriú Hamlet trí bliana i ndiaidh bhás Hamnet san Amharclann Globe beart slánaithe agus deis téarnaimh don lánúin.^[2]

Féach freisin

Jessie Buckley, Paul Mescal

Tagairtí

↑ Bridget Bhreathnach (29 Eanáir 2026). "DIALANN TUAIRISC: Gort a’Choirce sciobhtha ag an mBreatain, Príomh-Aire na hIndia ag tvuíteáil i nGaeilge" (ga-IE). Tuairisc.ie. Dáta rochtana: 2026-02-05.
1 2 3 Pat Butler (19 Eanáir 2026). "Ag Jessie Buckley in ‘Hamnet’ atá an taispeántas aisteoireachta is fearr a chonaic mé riamh" (ga-IE). Tuairisc.ie. Dáta rochtana: 2026-02-05.

[1] Bridget Bhreathnach (29 Eanáir 2026). "DIALANN TUAIRISC: Gort a’Choirce sciobhtha ag an mBreatain, Príomh-Aire na hIndia ag tvuíteáil i nGaeilge" (ga-IE). Tuairisc.ie. Dáta rochtana: 2026-02-05.

[:0-2] 1 2 3 Pat Butler (19 Eanáir 2026). "Ag Jessie Buckley in ‘Hamnet’ atá an taispeántas aisteoireachta is fearr a chonaic mé riamh" (ga-IE). Tuairisc.ie. Dáta rochtana: 2026-02-05.

[1]

[2]