Halaigionalcán

Is leacht gan dath é treafluaireatán (halaigionalcán) a fhiuchan i bhfad faoi theocht an tseomra (mar a fheictear anseo) agus is féidir é a bhaint as ceanastair d'aer comhbhrúite, ach iad a aisiompú le linn úsáide.

Is comhdhúile sáithithe alafatacha iad na halaigionalcáin a fhoirmítear trí adamh halaigine a chur isteach ar alcán in áit adamh hidrigine.

Ainmnítear iad mar seo a leanas, de réir rialacha an AIGCF (nó IUPAC sa Bhéarla);

• Ainmnigh an slabhra carbóin is faide agus cuir an iarmhír -án leis.
• Ainmnigh an t-adamh nó na hadaimh halaigine mar réimír ag úsáid fluara-, clóra-, bróma- nó iada-.
• Do roinnt adamh halaigine, léirigh a líon le réimír amhail; dé-, trí, teitrea srl. agus léirigh a suíomhanna tríd an tslabhra a uimhriú ionas go bhfuil na huimhreacha ceangail chomh híseal agus is féidir, ag liostú na halaiginí in ord aibítreach.
• Léirigh láithreacht aon ghrúpaí ailcile ar an ghnáthdhóigh.

I 2-clórabútán	II 1-iada-2,2-démeitilprópán