Guthán

Guthán bunúsach ón bhliain 1984.

Is gléas teileachumarsáide é an guthán, ón nGréigis τηλέ (i bhfad) agus φωνή (guth), a úsáidtear chun fuaim (nó caint ach go háirithe) a tharchur agus a ghlacadh, go hiondúil idir bheirt nó níos mó ag caint le chéile. Tá an guthán, nó an teileafón agus an fón mar a tugtar air chomh maith, i measc na ngléasanna tí is coitianta sa domhan nua-aimseartha. Mar aon le sin, is ceann dos na huirlisí gnó is tábhachtaí ar domhan é. Is beag gnólacht nach bhfuil guthán acu.