Guillaume de Champeaux

Fealsúnaí agus diagaí Francach a chosain an Réalachas ba ea Guillaume de Champeaux (Guillelmus de Campellis nó Campellensis : c.1070-1121 Châlons-en-Champagne). Ba é bunaitheoir an réalachais radacaigh é, fealsúnacht a dúirt go bhfuil na hUilithe neamhspleách ar an spiorad daonna agus ar rudaí pairticleártha (dearcadh a fáisceadh as an réalachas Platónach). Dúirt sé, agus é ag easaontú lena hiardhalta Abélard, go bhfuil an eisint chéanna i ngach duine, cé go bhféadfadh sí athrú ar chúiseanna fánacha.