Gradaim Fhoilsitheoireachta an Oireachtais
| Cineál | grúpa duaiseanna duais liteartha  | ||
|---|---|---|---|
| Tír | Éire | ||
| Bronnta ag | Oireachtas na Gaeilge | ||
| Codanna | |||
Is dámhachtainí bliantúla iad Gradaim Fhoilsitheoireachta an Oireachtais (nó Leabhair Ghaeilge na Bliana[1]) a bhronnann Oireachtas na Gaeilge ar son na leabhar is fearr deartha, cló agus ábhair, a foilsíodh i rith na bliana.[2] Áirítear iad mar na príomhdhuaiseanna ar son feabhais sa litríocht agus foilsitheoireacht na Gaeilge.[3] Is é cuspóir na ngradam léiriú don saol ardchaighdeán na leabhar Gaeilge atá á gcur ar fáil agus foilsitheoirí a spreagadh chun breis iarrachtaí a dhéanamh.[4]
Is iad seo a leanas critéir na ngradam: "fiúntas an ábhair; caighdeán na Gaeilge; dearadh an leabhair, ag áireamh téacs, clúdach, léaráidí agus dea-chleachtas foilsitheoireachta; caighdeán foilsitheoireachta; agus mar a fhreastalaíonn an leabhar ar riachtanais an mhargaidh léitheoireachta."[5]
Na gradaim
[cuir in eagar | athraigh foinse]Gradam Uí Shúilleabháin
[cuir in eagar | athraigh foinse]Bronntar Gradam Uí Shúilleabháin ar "Leabhar na Bliana don Léitheoir Fásta".[5] Tá urraim mhór dó.[4][6]
Gradam Réics Carló
[cuir in eagar | athraigh foinse]Bronntar Gradam Réics Carló ar "Leabhar na Bliana don Léitheoir Óg".[5] Is as an mbleachtaire Réics Carló ó leabhair Chathail Uí Shándair a ainmníodh é.[7][8][9]
Gradam de Bhaldraithe
[cuir in eagar | athraigh foinse]Bronntar Gradam de Bhaldraithe ar "Leabhar na Bliana do shaothar aistrithe go Gaeilge ó theanga eile".[5][10] Cuireadh tús leis sa bhliain 2019. Is in ómós do Thomás de Bhaldraithe a ainmníodh é.[11]
Stair
[cuir in eagar | athraigh foinse]Is sa bhliain 1897 a céad-bhunaíodh an comórtas.[12] Rinneadh athbhunú ar Ghradam Uí Shúilleabháin sa bhliain 2005.[4] Ba í an bhliain dár gcionn an chéad uair a fógraíodh na buaiteoirí ag Oireachtas na Samhna.[2]
Ar feadh tamaill de bhlianta sna 2010idí, ní bhíodh ach an t-aon ghradam amháin á bhronnadh in aghaidh na bliana, Gradam Uí Shúilleabháin agus Gradam Réics Carló ar a seal gach re bliain.[13]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ "20 leabhar ainmnithe do ghradaim ‘Leabhair Ghaeilge na Bliana’ 2024". Tuairisc.ie (2024-08-22). Dáta rochtana: 2026-02-22.
- 1 2 Pól Ó Muirí (8 Samhain 2006). "Oireachtas Dhoire". The Irish Times: lch 17.
- ↑ "Gradam Réics Carló 2021 winner announced" (as Béarla). Books Ireland (2021-10-06). Dáta rochtana: 2026-02-22.
- 1 2 3 Máiréad Ní Chinnéide (16 Iúil 2008). "An Gúm as an áireamh do Ghradam Uí Shúilleabháin". The Irish Times: lch 15.
- 1 2 3 4 "Gearrliostaí do Ghradaim Fhoilsitheoireachta 2020 Fógartha" (as Gaeilge ⁊ Béarla). Books Ireland (2020-08-19). Dáta rochtana: 2026-02-22.
- ↑ An Dr Tracey Ní Mhaonaigh (29 MF 2023). "Fionntán de Brún's novel, Béal na Péiste, has won the Gradam Uí Shúilleabháin award" (as Gaeilge ⁊ Béarla). www.maynoothuniversity.ie. Dáta rochtana: 2026-02-22.
- ↑ Bridget Bhreathnach (2022-07-22). "Cén chaoi nár tháinig mé trasna ar leabhair Réics Carló?". Tuairisc.ie. Dáta rochtana: 2026-02-22.
- ↑ Mártan Ó Ciardha (2024-04-14). "Gearradh trí scór bliain de m’aois, bhí mé fillte ar Rang 6 agus mé ag léamh Réics Carló.". Tuairisc.ie. Dáta rochtana: 2026-02-22.
- ↑ Róisín Adams (Iúil 2022). "Breithlá sona duit, a Réics!". Comhar 82 (7).
- ↑ Stephen Price (2025-08-20). "Welsh publisher reaches Irish Book of the Year shortlist" (as Béarla). Nation.Cymru. Dáta rochtana: 2026-02-22.
- ↑ Méabh Ní Thuathaláin (2019-06-05). "Gradam nua Thomáis de Bhaldraithe le bronnadh ar shaothair aistrithe". Tuairisc.ie. Dáta rochtana: 2026-02-22.
- ↑ "Shortlist for Irish-language Book of the Year announced" (16 Lúnasa 2023). The Irish Times: lch 4.
- ↑ Maitiú Ó Coimín (2017-10-04). "Gearrliosta Ghradam Uí Shúilleabháin, gradam ‘Leabhar na Bliana’ fógartha". Tuairisc.ie. Dáta rochtana: 2026-02-22.