George Graham (déantóir clog)

Ón Vicipéid, an chiclipéid shaor.
Jump to navigation Jump to search
George Graham
Graham portrait.jpg
Dáta breithe 1673
  Kirklinton, Cumberland, Sasana
Dáta báis 1751
  Londain, Sasana
Náisiúntacht Briotanach
Réimsí Déantóir clog

Déantóir clog, ceapadóir agus geofhisiceoir Sasanach ab ea George Graham (Kirklinton, Cumberland, 7 Iúil 1673 – Londain, 20 Samhain 1751). Ball de Chumann na gCarad a bhí ann dála a chomhghleacaí, Thomas Tompion. Sa bhliain 1688 agus é 15 bliana d'aois thug sé aghaidh ar Londain le dul chun oibre faoi Tompion. Ní ba dhéanaí, phós sé Elizabeth Tompion, neacht le Thomas.

D'éirigh Graham ina chomhpháirtí de Thomas Tompion sna blianta deiridh. Cuirtear ina leith roinnt feabhsúchán i ndearadh na gclog luasctha, an luascadán mearcair agus i mionsamhlacha clogoibritheacha na bpláinéad (orreries). Rinneadh Máistir Chuideacht Onórach na nDéantóirí Clog de sa bhliain 1722.

Ar an líon mór printíseach a d'oibrigh faoi Graham bhí Thomas Mudge, duine a bhain amach clú dó féin mar dhéantóir clog freisin. Chaith sé seo na blianta 1730–1738 ag obair faoi Graham.