Francesco Cossiga

Ón Vicipéid, an chiclipéid shaor.
Jump to navigation Jump to search
Francesco Cossiga sa bhliain 1979

Bhí Francesco Cossiga (26 Iúil 1928 - 17 Lúnasa 2010) ina ochtú Uachtarán ar an Iodáil (1985-1992), ar an eite dheas.[1]

Saol[cuir in eagar | athraigh foinse]

Céimí de chuid Ollscoil Sassari sa tSairdín, bhí sé ina ollamh le dlí bunreachtúil san ollscoil sin freisin.

Bhí sé ina Dhaonlathaí Críostaí gníomhach ó bhí sé sna déaga. Toghadh chun Theach na dTeachtaí é sa bhliain 1958. Bhí sé ina bhall de ar feadh na ceathrún céid ina dhiaidh sin.

Bhí sé ina Aire an Riaracháin Phoiblí agus na Réigiún (1974-76) agus ina Aire Gnóthaí Baile (1976-78.) D'éirigh sé as an dara post mar gheall ar an gconspóid maidir le dóthanacht na mbearta ar thug sé faoi ionas go seachnófaí go marófaí a chomhghleacaí Aldo Moro ag a chuid fuadaitheoirí.

Cossiga Francesco 2.jpg

Bhí Cossiga ina Phríomh-Aire ó Lúnasa 1979 go Deireadh Fómhair 1980.

Tugadh tacaíocht mhór dó, mar iarrthóir don uachtaránacht, cúig bliana dár gcionn, agus é an chéad duine a toghadh ar an gcéad bhallóid riamh.

Sa dá bhliain dheireanacha a bhí sé ina Uachtarán, d'éirigh sé ní ba cháintí maidir le córas na bpáirtithe polaitíochta san Iodáil (ní i bhfad ina dhiaidh sin a thit an tóin as) agus maidir le gnéithe eile de shaol poiblí na tíre, ar nós polaitiú iomarcach na mbreithiúna.

Mar Sheanadóir saoil, bhí páirt thábhachtach i bpolaitíocht na hIodáile aige go dtí go bhfuair sé bás beagnach, cé gur mhinic nach raibh sé ach ag iarraidh corraí a chur ar dhaoine d'aon ghnó.

Francesco Cossiga signature.svg

Ar bhealaí, mar sin, bhí roinnt cosúlachtaí idir a ghairm polaitíochta agus gairm phoiblí An Ollaimh Sheáin Uí Cheallaigh[2], a bhí ina chomhaoiseach leis.

D'éag Francesco Cossiga ar 17 Lúnasa 2010.

Tagairtí[cuir in eagar | athraigh foinse]

  1. Scoil Dlí, COBAC. "UCD School of Law" (ga). www.facebook.com. Dáta rochtana: 2020-08-17.
  2. "John M. Kelly (politician) / Seán Ó Ceallaigh T.D." (in en) (2019-12-30). Wikipedia.