Foster agus Allen
  | |
| Sonraí | |
|---|---|
| Cineál | dís |
| Stair | |
| Dáta a bunaíodh | 1975 |
| Gníomhaíocht | |
| Tréimhse oibre | 1975 – |
| Codanna | |
  
| |
Dís as Contae na hIarmhí is ea Foster agus Allen, nó Mick Foster agus Tony Allen.
- Tá cáil ar Mhick Foster mar bhoscadóir - bhuaigh sé craobh na hÉireann nuair a bhí sé ina gharsún óg.
- Fonnadóir ábalta é Allen agus é paiteanta ar na hamhráin mhalla.
- Tá Moira Fraser, bean chéile Mhick Foster, ina ceoltóir cúnta ar an stáitse leo.
Gairm
[cuir in eagar | athraigh foinse]Thosaigh Foster agus Allen ag seinm le chéile sna 1970idí. Faoin mbliain 1975, eisíodh a gcéad caiséad, ach ní raibh rath mór air ar dtús. Bhain siad rath amach le leagan den amhrán "A Bunch of Thyme" a taifeadadh níos déanaí. Chuaigh an t-amhrán sin go dtí an runga ab airde sna cairteacha sa Bhreatain agus tugadh cuireadh dóibh bheith ar an gclár teilifíse Top of the Pops, áit ar tháinig siad amach ina gcultacha uaine, rud a tharraing caint.
Tháinig rath mór orthu leis an amhrán "Maggie" chomh maith. Chuaigh an t-amhrán sin isteach sna cairteacha in Éirinn, sa Bhreatain, san Astráil (áit ar chaith sé ceithre seachtaine ag uimhir a haon), sa Nua-Shéalainn, san Afraic Theas agus i dtíortha eile. Meastar gurb é a mbealach nádúrtha dúchasach, gan cleasaíocht ná cur i gcéill, ba chúis leis an rath seo.
I measc a n-amhrán is cáiliúla tá "Red is the Rose" ("Amhrán an Róis Dheirg") chomh maith.[1]
Saol
[cuir in eagar | athraigh foinse]D'éirigh Mick Foster aníos i dteach tuaithe gan uisce reatha ná leictreachas. De réir a chuid scéalta féin, "Ní raibh aon fhoscadh againn ach a dtiocfadh cruóg orainn san oíche ach sceacha lár tíre."
Faoi 2024-2025, bhí an bheirt ag ceiliúradh 50 bliain ar an mbóthar. Lean siad orthu ag tabhairt ceolchoirmeacha ar fud na hÉireann agus tharraing a gcuid imeachtaí sluaite móra, go háirithe daoine aosta a bhfuil dúil acu i gceol traidisiúnta. De réir tuairisce ó cheolchoirm in Óstán an Ard-Rí i dTuaim i 2024, "tá na blianta greanta ar a gceannaghaidh" ag formhór an lucht leanúna, ach fós féin tá dílseacht agus grá ag an bpobal dóibh.
Stíl
[cuir in eagar | athraigh foinse]Tá stíl Foster agus Allen bunaithe ar cheol nádúrtha traidisiúnta na hÉireann. Bíonn a gcuid amhrán "casta go deas simplí ar na seanbhealaí," de réir tuairiscí. Is fonnadóir ábalta é Tony Allen atá paiteanta ar na hamhráin mhalla, agus bíonn Mick Foster ag caint leis an slua agus ag insint scéalta idir na hamhráin.[1]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ 1.0 1.1 Máirtín Ó Catháin (6 Eanáir 2026). "Cosán an chroí agus na cuisle – Foster and Allen 50 bliain ar bóthar" (ga-IE). Tuairisc.ie. Dáta rochtana: 2026-01-09.