For Whom the Bell Tolls

For Whom the Bell Tolls

(en) For Whom the Bell Tolls (de) Wem die Stunde schlägt (ca) Per qui toquen les campanes (eo) Por Kiu Sonoras la Sonorilo (es) Por quién doblan las campanas (fr) Pour qui sonne le glas (it) Per chi suona la campana (nl) Voor wie de klok luidt (pt) Por Quem os Sinos Dobram (ar) لمن تقرع الأجراس (avk) Tel taulesimbik va sorga (az) Əcəl zəngi (be) Па кім звоніць звон (bg) За кого бие камбаната (bn) ফর হুম দ্য বেল টোলস (bs) Kome zvono zvoni (cs) Komu zvoní hrana (el) Για ποιον χτυπά η καμπάνα (et) Kellele lüüakse hingekella (fa) زنگ‌ها برای که به صدا در می‌آیند (fi) Kenelle kellot soivat (he) למי צלצלו הפעמונים (hr) Kome zvono zvoni (hu) Akiért a harang szól (hy) Ո՞ւմ մահն է գուժում զանգը (ja) 誰がために鐘は鳴る (ka) ვისთვის რეკს ზარი (kk) Қоңырау кімге соғылады (ko) 누구를 위하여 종은 울리나 (ky) Коңгуроо кимдин жаназасына кагылууда (lt) Kam skambina varpai (mk) За кого бијат камбаните (ml) ഫോർ ഹൂം ദ ബെൽ ടോൾസ് (no) Klokkene ringer for deg (oc) Per qual classejan (pa) ਹੈ ਕਿਸਨੂੰ ਮੌਤ ਦਾ ਸੱਦਾ (pl) Komu bije dzwon (ro) Pentru cine bat clopotele (ru) По ком звонит колокол (sk) Komu zvonia do hrobu (sl) Komu zvoni (sq) Për kë bien këmbanat (sr-el) Za kim zvono zvoni (sv) Klockan klämtar för dig (th) ศึกสเปญ (tr) Çanlar Kimin İçin Çalıyor (uk) По кому подзвін (vi) Chuông nguyện hồn ai (xmf) მიდგაშოთ რეკუნს ზარი (zh) 戰地鐘聲
Cineál	saothar liteartha
Cárta innéacs
Údar	Ernest Hemingway
Teanga	Béarla
Foilseachán	Stáit Aontaithe Mheiriceá, 1940
Tréith
Príomhábhar	Cogadh Cathartha na Spáinne
Seánra	ficsean cogaidh, war literature (en) agus úrscéal cogaidh
Suíomh scéalaíochta	an Spáinn
Gradam a fuarthas
Gradam a fuarthas	100 Leabhar na hAoise de réir Le Monde
Cuid den tsraith
← The Fifth Column and the First Forty-Nine Stories

Úrscéal de chuid Ernest Hemingway is ea For Whom the Bell Tolls, a foilsíodh sa bhliain 1940. Tharraing an scannán sa bhliain 1943 clú idirnáisiúnta ar Hemingway.

An leabhar

Is líne ó dhán an fhile Sasanaigh, John Donne, é teideal an leabhair seo:

"No man is an island, entire of itself;... and therefore never send to know for whom the bell tolls; it tolls for thee."

Tharraing an scannán clú idirnáisiúnta ar Hemingway níos déanaí

Tá an t-úrscéal bunaithe ar thaithí Hemingway i gCogadh Cathartha na Spáinne. Tá an scéal suite in 1937, agus na poblachtánaithe ar tí ionsaí mór a thosnú ar Segovia. Glacann sabaitéir Meiriceánach, Robert Jordan, tasc chun droichead a phléascadh ionas nacn mbeadh na náisiúnaithe in ann frithionsaí a chur sa tsiúl. Buaileann sé le banda treallchogaidh Phablo sna sléibhte agus an t-éacht á ullmhú aige.

Ingrid Bergmann sa scannán

Gary Cooper sa scannán

Tá bean ann, María, a raibh ina príosúnaí ag na náisiúnaithe i Valladolid. Cuireann Jordan suim inti, cé go bhfuil eagla air a chroí a oscailt d'éinne. D'fhulaing María go mór ag lámha na náisiúnach. Casann an scéal ar mheon Robert Jordan, a dhualgas don tásc idir lámha aige, a dhifríochtaí le ceannaire an bhanda atá dá thacú, Pablo, agus an cion atá ag Jordan do Mharía.

Tá ról lárnach sa scéal freisin ag bean Phablo, Pilar, a insíonn cúpla eachtraí uafásacha ó thús an chogaidh inar maraíodh na náisiúnaithe go barbarach ina baile féin tar éis éirí amach Franco.

Déanann an banda ionsaí ar na saighdiúirí náisiúnacha atá ag cosaint an droichid agus éiríonn le Jordan a dhinimít a chur agus an droichead a phléascadh. Tá na sléibhte breac le saighdiúirí Náisiúnacha i ndiaidh an ionsaí agus goineadh Jordan go dona agus an banda ag teitheadh ar a gcapaill. Fanann sé ann chun a chomhghleacaithe a chosaint agus iad ag teitheadh. Críochnaíonn an scéal le Jordan ar an dtalamh leis an meaisínghunna agus é ag smaoineamh faoin saol nach mbeidh sé in ann a chaitheamh le María.

Baineann Hemingway úsáid as sean-téarmai Bhéarla ar nós thee agus thou in ionad you chun blas an chanúint áitiúil Spáinnise a chruthú.

Scannán

Rinneadh scannán cáiliúil den leabhar i 1943 le Gary Cooper i bpáirt Robert Jordan agus Ingrid Bergmann i bpáirt María. Bhuaigh Katina Paxinou, a raibh páirt Pilar aici, an gradam Oscar don ban-aisteoir taca is fearr.

Tharraing an scannán clú idirnáisiúnta ar Hemingway.

Ceol

Is amhrán é "For Whom the Bell Tolls" ón grúpa Metallica ar a n-albam Ride the Lightning ó 1984. Is tagairt do chuid den leabhar é an t-amhrán, ina bhfuil ceannaire bhanda treallchogaithe, El Sordo, timpeallaithe ag saighdiúirí náisiúnacha ar chnoc. Tagann eitleáin chun na treallchogaithe go léir a bhuamú is maraítear iad go léir.