Erich Maria Remarque

Ón Vicipéid, an chiclipéid shaor.
Erich Maria Remarque
Bundesarchiv Bild 102-10867, Erich Maria Remarque.jpg
Remarque sa bhliain 1929
Dáta breithe 22 Meitheamh, 1896
  Osnabrück, an Ghearmáin
Dáta báis 25 Meán Fómhair, 1970
  Locarno, an Eilvéis
Náisiúntacht Gearmánach
Gairm Úrscéalaí
Céile (1) Jutta Zambona
(2) Paulette Goddard

Scríbhneoir Gearmánach ab ea é Erich Maria Remarque (fíorainm: Erich Paul Remark) a saolaíodh ar an 22 Meitheamh 1896 in Osnabrück agus a fuair bás i Locarno ar an 25 Meán Fómhair 1970.

Throid sé sa Chéad Chogadh Domhanda, agus scríobh sé an t-úrscéal is clúití ar fad faoin gcogadh sin in aon teanga - Im Westen nichts Neues ("Diabhal athrú ar an bhfronta thiar" - All Quiet on the Western Front atá ar an aistriúchán Béarla). Tháinig an t-úrscéal i gcló sa bhliain 1929, agus scannánaigh an stiúrthóir Lewis Milestone do Hollywood ar an toirt é. Níor thaitin súil réadúil an scríbhneora ar an gcogadh le heite dheis na Gearmáine, agus chuir na Naitsithe a chuid scríbhinní le thine nuair a shealbhaigh siad an chumhacht sa Ghearmáin. B'éigean dó dul ar lorg tearmainn san Eilvéis.

Sa bhliain 1939, thug sé a aghaidh ar na Stáit Aontaithe. Bhí cumainn ghrá aige le mná mór le rá na linne, cosúil le Marlene Dietrich, Greta Garbo agus Paulette Goddard. Sa deireadh, phós sé Goddard agus shocraigh siad síos san Eilvéis.

Saothar[athraigh | edit source]

Im Westen nichts Neues

Úrscéalta[athraigh | edit source]

  • Die Traumbude 1920
  • Im Westen nichts Neues 1929
  • Der Weg zurück 1931
  • Drei Kameraden 1938
  • Liebe deinen Nächsten 1941
  • Arc de Triomphe 1946
  • Der Funke Leben 1952
  • Zeit zu leben und Zeit zu sterben 1954
  • Der schwarze Obelisk 1956
  • Der Himmel kennt keine Günstlinge 1961
  • Die Nacht von Lissabon 1961