Eduard Buchner

Ón Vicipéid, an chiclipéid shaor.
Infotaula de personaEduard Buchner

(1907) Cuir in eagar ar Wikidata
Beathaisnéis
Breith20 Bealtaine 1860
München (Cónaidhm na Gearmáine)
Bás13 Lúnasa 1917
57 bliana d'aois
Focșani (Ríocht na Rómáine)
Áit adhlacthaFocsani German Soldiers Cemetery (en) Aistrigh Cuir in eagar ar Wikidata
Faisnéis phearsanta
Scoil a d'fhreastail sé/síOllscoil Ludwig Maximilian, München
Ollscoil Theicniúil München
Ollscoil Erlangen-Nürnberg Cuir in eagar ar Wikidata
Céim acadúilollamh
Comhairleoir dochtúireachtaJohann Friedrich Wilhelm Adolf von Bäyer
Áit chónaitheMünchen
Gníomhaíocht
Réimse oibreCeimic agus bithcheimic
Suíomh oibre Beirlín
Wrocław
Tübingen Cuir in eagar ar Wikidata
Gairmbithcheimiceoir, ceimiceoir, múinteoir ollscoile Cuir in eagar ar Wikidata
FostóirOllscoil Tübingen
Ollscoil Humboldt Bheirlín
Ollscoil Wrocław
Ollscoil Würzburg
Ollscoil Ludwig Maximilian, München Cuir in eagar ar Wikidata
Ball de
TeangachaAn Ghearmáinis
Gairm mhillteach
CoinbhleachtAn Chéad Chogadh Domhanda
Teaghlach
CéileLotte Stahl Cuir in eagar ar Wikidata
SiblínHans Ernst August Buchner
Gradam a fuarthas

Find a Grave: 150720578 Cuir in eagar ar Wikidata

Ceimiceoir agus símeolaí Gearmánach ab ea Eduard Alois Buchner (20 Bealtaine 1860 - 13 Lúnasa 1917), ar bronnadh Duais Nobel sa Cheimic air sa bhliain 1907, as a chuid oibre ar choipeadh.

Beathaisnéis[cuir in eagar | athraigh foinse]

Luathbhlianta[cuir in eagar | athraigh foinse]

Rugadh Buchner i München do lia agus Dochtúir Urghnách an Leighis Fhóiréinseach. Ba é Hans Ernst August Buchner a dheartháir níos sine.[1] Sa bhliain 1884, thosaigh sé ag staidéar na ceimice le Adolf von Baeyer agus na luibheolaíochta le Carl Nägeli, in Institiúid na Lus i München. Tar éis tréimhse ag obair le Otto Fischer (col ceathrar le Emil Fischer) in Ollscoil Erlangen, bronnadh dochtúireacht ó Ollscoil München ar Bhuchner sa bhliain 1888 faoi Theodor Curtius.

Gairmréim acadúil[cuir in eagar | athraigh foinse]

Ceapadh Buchner ina léachtóir cúnta i saotharlann orgánach Adolf von Bäyer sa bhliain 1889 in Ollscoil München. Sa bhliain 1891, tugadh ardú céime dó ina léachtóir san ollscoil chéanna.[2]

I bhfómhar na bliana 1893, bhog Buchner go hOllscoil Kiel (de: Die Christian-Albrechts-Universität zu Kiel (CAU) ) agus ceapadh ina ollamh é sa bhliain 1895. Sa chéad bhliain eile, ceapadh é ina Ollamh Urghnách don Cheimic Anailíseach agus Chógaisíochta i saotharlann ceimiceach H. von Pechmann in Ollscoil Tübingen.[2]

I mí Dheireadh Fómhair, 1898, ceapadh é ina Chathaoirleach ar Cheimic Ghinearálta in Ollscoil Talmhaíochta Bheirlín (de:Die Landwirtschaftliche Hochschule Berlin), agus chuir sé oiliúint iomlán ar a chúntóirí leis féin, agus fuair sé a cháilíocht léachta iardhochtúireachta (de:Habilitation) i 1900. [2][3] Sa bhliain 1909, aistríodh go hOllscoil Breslau é (atheagraíodh é le bheith ina Ollscoil Wrocław sa bhliain 1945)[4]), and in 1911, he moved to University of Würzburg.[2] , agus sa bhliain 1911, d'aistrigh sé go hOllscoil Würzburg.[2]



Fuair sé bás i gCath Mhărășești agus tá sé curtha i reilig shaighdiúirí na Gearmáine ó Fhocșani, an Rómáin.

Tagairtí[cuir in eagar | athraigh foinse]

Taighde[cuir in eagar | athraigh foinse]

Is éard a bhí i gceist sa turgnamh ar bhuaigh Buchner an Duais Nobel dó ná úsc giostach saor ó chealla a tháirgeadh agus a thaispeáint go bhféadfadh an “t-úscbhrúite” seo siúcra a choipeadh. Bhuail seo buille eile don bheathúlachas trína thaispeáint nach raibh gá le cealla giosta beo le haghaidh coipeadh. Táirgeadh an t-úsc saor ó chealla trí chealla giosta tirim, grianchloch agus cré dhiatómúil a chomhcheangal agus ansin na cealla giosta a bhrú le moirtéar agus tuairgnín. D’éireodh an meascán seo tais ansin de réir mar a thiocfadh ábhar na gcealla giosta as na cealla. Nuair a bheadh an chéim seo déanta, chuirfí an meascán tais trí phreas agus cuireadh glúcós, fruchtós, nó maltós leis an “t-úscbhrúite” agus chonacthas go dtiocfadh dé-ocsaíd charbóin chun cinn, uaireanta ar feadh laethanta. Níor léirigh imscrúdú micreascópach aon chealla giosta beo san úsc. Rinne Buchner hipitéis go

dtálann cealla giosta próitéiní ina dtimpeallacht d’fhonn siúcraí a choipeadh, ach fuarthas amach ina dhiaidh sin go dtarlaíonn coipeadh laistigh de na cealla giosta. Mhaígh Maria Manasseina gur aimsigh sí coipeadh saor ó chealla glúin níos luaithe ná Buchner.[5]

Cé go gcreideann cuid go n-ainmnítear an fleascán Büchner agus an tonnadóir Büchner dó, ainmnítear iad i ndáiríre don cheimiceoir tionsclaíoch Ernst Büchner.[6]

Bronnadh Duais Nobel sa Cheimic sa bhliain 1907 ar Bhüchner.

Saol pearsanta[cuir in eagar | athraigh foinse]

Phós Buchner Lotte Stahl i 1900. Ag tús an Chéad Chogaidh Dhomhanda liostáil sé san arm agus d’éirigh sé aníos go céim Maor i gceannas ar aonad iompair muinisin ar an Fronta Thiar agus Thoir. I Márta 1916 d’fhill sé ar Ollscoil Wurzburg. In Aibreán 1917 liostáil sé arís. An 11 Lúnasa 1917, agus é lonnaithe i Focșani, an Rómáin, bhuail blog sliogáin é agus fuair sé bás dhá lá ina dhiaidh sin..

Foilseacháin[cuir in eagar | athraigh foinse]

Tagairtí[cuir in eagar | athraigh foinse]

  1. Asimov, Asimov's Biographical Encyclopedia of Science and Technology 2nd Revised edition
  2. 2.0 2.1 2.2 2.3 2.4 Earráid leis an lua: Invalid <ref> tag; no text was provided for refs named :0
  3. "Eduard Buchner - Universitäts-Archiv". Cartlannaíodh an bunleathanach ar 2020-11-02. Dáta rochtana: 2023-08-19.
  4. "History of the University of Wrocław" (pl). Cartlannaíodh an bunleathanach ar 2021-06-10. Dáta rochtana: 2023-08-19.
  5. Cornish-Bowden, Athel (1999). "The Origins of Enzymology" (as en). The Biochemist 19 (2): 36–38. Dáta rochtana: 2017-10-18.  Curtha i gcartlann 2014-08-26 ar an Wayback Machine
  6. Jensen, William (2006). "The Origins of the Hirsch and Büchner Vacuum Filtration Funnels". Journal of Chemical Education 83 (9): 1283. doi:10.1021/ed083p1283. Bibcode2006JChEd..83.1283J. 

Naisc sheachtracha[cuir in eagar | athraigh foinse]