Droghad Ny Seihill

*Droghad Ny Seihill*
Cineál	saothar liteartha
Cárta innéacs
Údar	Christopher Lewin
Teanga	Gaeilge Mhanann
Foilseachán	Oileán Mhanann, 2010
Foilsitheoir	Yn Çheshaght Ghailckagh
Tréith
Seánra	fantaisíocht agus ficsean miotasach
Leabharuimhir Chaighdeánach Idirnáisiúnta	1-870029-37-0

Is úrscéal é Droghad Ny Seihill (ga: "Droichead na Saolta"^[1]) le Christopher Lewin faoi Mhollie, bean a bhfuil in ann gluaiseacht idir an saol seo agus saol eile ar fad. Nuair a thosaítear le daoine a sciobadh ón saol seo caithfidh Mollie fáil amach cén fáth agus cad gur féidir a dhéanamh mar gheall air.^[2]^[3]

Tá saol eile in aice láimhe, faoi mar a chreidtí fadó. Is ann a mhaireann na 'neuvarrvaanaigh' (neacha neamhbhásmhara, nach cosúil iad agus na 'neamhbheo' in Dracula). Tharla stair eile ar fad sa saol ceilte seo agus níl insint ar cén t-achrann a d'fhéadfadh a bheith ar na bacáin anois ann. I gcaitheamh an úrscéil, le hais na gcarachtar daonna, castar le go leor neacha neamhshaolta ó mhaighdeana mara go péire fiach dubh a chomharthaíonn "olc agus díobháil agus bagairt", go Manannán féin.^[2]

Tá sé de bhua ag Mollie, nó de mhallacht uirthi, bheith in ann aistriú idir an dá shaol. Ní léir cad as don ualach diamhair seo nó cén réiteach a bheas ar an scéal – ábhar mór imní di. Níl sí léi féin áfach ina cuid fiosrúcháin faoi na daoine a d'imigh gan tásc gan tuairisc. Tá cuid den scéal suite i mBaile Átha Cliath.^[2]

Glacadh

Thug Natalie Nic Shím "sár-úrscéal" ar an leabhar.^[4]

"Úrscéal casta saibhir ilfhillte" a thug Alan Titley air, úrscéal "ar féidir mórán léamha a dhéanamh air." Thagair sé don iliomad carachtar agus gnéithe atá ann, agus dhearbhaigh go bhfuil "a chuid taighde déanta go beacht ag an údar, agus é snaidhmthe go cliste sa scéal." Maidir le cúrsaí stíle, dúirt an Titlíoch go bhfuil "comharthaí sóirt na linne seo agus an tseanscéalaíocht pósta go cumasach in aon phíosa litríochta aige" agus luaigh freisin go bhfuil "sleachta áille scríbhneoireachta ann."^[2]

Féach Freisin

Jough-laanee Aegid (leis an údar chéanna)
Brann Foillycan
Cuaifeach mo Londubh Buí

Naisc sheachtracha

Suíomh an fhoilsitheora: ycg.im/publications

Tagairtí

↑ Kevin P. Scannell (2016). "droghad; seihll". Foclóir Manainnis-Gaeilge.
1 2 3 4 Alan Titley (Meitheamh 2017). "An t-úrscéal sa Mhanainnis…". Comhar 77 (6).
↑ "Yn Çheshaght Ghailckagh | Rolley ny Lioaryn". Yn Çheshaght Ghailckagh (Aibreán 2020).
↑ Natalie Nic Shím (22 Eanáir 2014). "Moladh go deo leis an Ghruffalo". The Irish Times. Dáta rochtana: 2026-03-08.

[1] Kevin P. Scannell (2016). "droghad; seihll". Foclóir Manainnis-Gaeilge.

[:0-2] 1 2 3 4 Alan Titley (Meitheamh 2017). "An t-úrscéal sa Mhanainnis…". Comhar 77 (6).

[:1-3] "Yn Çheshaght Ghailckagh | Rolley ny Lioaryn". Yn Çheshaght Ghailckagh (Aibreán 2020).

[4] Natalie Nic Shím (22 Eanáir 2014). "Moladh go deo leis an Ghruffalo". The Irish Times. Dáta rochtana: 2026-03-08.

[1]

[2]

[3]

[4]