Denis Donaldson

Ón Vicipéid, an chiclipéid shaor.
Jump to navigation Jump to search
Denis Donaldson
Denis Donaldson.jpg
Saol
Eolas breithe Béal Feirste, 1950
Náisiúntacht An Ríocht Aontaithe
Bás Na Gleannta, 4 Aibreán 2006
Oideachas
Teangacha An Béarla
Gairm
Gairm polaiteoir
Fostóirí MI5
Ballraíocht An tIRA Sealadach

Iarbhall den IRA a bhí i Denis Donaldson, nó Donncha Mac Dónaill (1950 – 4 Aibreán 2006) a d’iompaigh ina sceithire don MI5, an feidhmeannach ba shinsearaí de chuid na Sealadach – idir IRA agus Shinn Féin – a bhí ina bhrathadóir.[1]

Gairm[cuir in eagar | athraigh foinse]

Chaith sé seal i gCarcair na Ceise Fada sna 1970idí.[2]

Sheas Donaldson i dtoghchán Westminster do Shinn Féin sa bhliain 1983. D’oibrigh sé mar riarthóir an pháirtí i dTionól Stormont ó lár na 1990idí.

Maíonn lucht faisnéise gurb é príomhról Donaldson tionchar a imirt ar phoblachtánaithe chun iad a bhogadh i dtreo na síochána sna 1990idí.[1]

Dúirt an feisire Parlaiminte Jeffrey Donaldson ón DUP go bhfuil seisean beo inniu, a bhuíochas do ghníomhaire a thug foláireamh dó faoi ionsaí a bhí beartaithe air.[1]

Ghabh an PSNI in 2002 é as a bheith ina bhall de bhuíon spiairí poblachtacha. Ach tháinig sé chun solais ina dhiaidh sin nach raibh sa ruathar a thug na póilíní ar oifigí Shinn Féin ach iarracht lena stádas mar phoblachtach sinsearach a dhaingniú agus a ról mar sceithire a cheilt.[2]

Feallmharú[cuir in eagar | athraigh foinse]

Dúirt Uachtarán Shinn Féin Gerry Adams i mí na Nollag na bliana 2005 gur sceithire a bhí i Donaldson a bhí ag tabhairt eolais don PSNI agus don MI5.

Chuaigh Donaldson i bhfolach i nDún na nGall agus is ann a bhí sé nuair a tháinig iriseoirí air sna seachtainí sular maraíodh é.

Feallmharaíodh Donaldson ar 4 Aibreán 2006 sna Gleannta.[3] Thángthas ar chorp Donaldson i dteach saoire sna Gleannta ina raibh sé ina chónaí le cúpla mí i ndiaidh dó ráiteas a léamh ar RTÉ inar admhaigh sé gur sceithire a bhí ann.

Cuireadh an locht ar dtús ar an IRA Sealadach as an dúnmharú ach ghlac an Fíor-IRA freagracht trí bliana i ndiaidh a bháis.[2]

Féach freisin[cuir in eagar | athraigh foinse]

Tagairtí[cuir in eagar | athraigh foinse]

  1. 1.0 1.1 1.2 Póilín Ní Chiaráin (25 Meán Fómhair 2016). "An bhfuil aon bhunús le maíomh na ‘spiairí’ gurbh iadsan a thug ar an IRA éirí as an bhforéigean?" (ga-IE). Tuairisc.ie. Dáta rochtana: 2022-07-20.
  2. 2.0 2.1 2.2 Maitiú Ó Coimín (4 Aibreán 2016). "Muintir Denis Donaldson ag impí ar an nGarda Síochána a dhialann phearsanta a thabhairt ar láimh don Ombudsman" (ga-IE). Tuairisc.ie. Dáta rochtana: 2022-07-20.
  3. "Denis Donaldson" (as en) (2022-06-01). Wikipedia.