David J. Burn
| Gníomhaíocht | |
|---|---|
| Gairm | taighdeoir, néareolaí  |
| Fostóir | Ollscoil Newscastle (2017–) |
Gradam a fuarthas
| |
| Suíomh gréasáin | ncl.ac.uk… |
Is Uachtarán ar Ollscoil na Gaillimhe é an tOllamh David J. Burn (a rugadh i mí Lúnasa 1961), an 14ú hUachtarán ar an Ollscoil. Tháinig an tOllamh Burn i gcomharbacht ar an Ollamh Peter McHugh, a raibh an post aige ar bhonn eatramhach ó Mheán Fómhair 2024, nuair a d’éirigh an tUachtarán deireanach, Ciarán Ó hÓgartaigh, as an ról.[1]
Gairm
[cuir in eagar | athraigh foinse]Is Ollamh le Néareolaíocht Neamhord Gluaiseachta agus Néareolaí Comhairleach Oinigh d’Iontaobhas NHS Ospidéil Newcastle upon Tyne é.
Bhí an tOllamh Burn, a bhí ina Leas-Seansailéir Ionaid Dhámh na nEolaíochtaí Leighis in Ollscoil Newcastle, le tosú ar a théarma i mí Mheán Fómhair 2025.
Bhí an tOllamh Burn ina Leas-Seansailéir Ionaid ar Dhámh na nEolaíochtaí Leighis, Ollscoil Newcastle ó 2017 go 2025, áit a raibh sé i gceannas ar mhórthionscnaimh athruithe a bhain le hathstruchtúrú na foirne teagaisc; luas a chur faoi fheidhmíocht taighde; an comhionannas, an éagsúlacht agus an cuimsiú a chur chun cinn; agus borradh a chur faoin idirnáisiúnú.
Is é an tUachtarán tofa ar an gCumann Idirnáisiúnta Parkinson agus Neamhord Gluaiseachta.[2]
Conspóid
[cuir in eagar | athraigh foinse]In 2016/2017 chuir an Rialtas san am deireadh leis an dualgas reachtúil a bhí ar Ollscoil na Gaillimhe ón bhliain 1926 duine a mbeadh Gaeilge aige a cheapadh i bpost an Uachtaráin. Ba í Ollscoil na Gaillimhe an taon institiúid ardoideachais sa Stát a raibh coinníoll uirthi i leith na Gaeilge.
Is é Burn an chéad uachtarán ar an ollscoil le breis is 100 bliain nach bhfuil Gaeilge aige Bhí tiomantas chun an Ghaeilge a chur chun cinn agus tacú leis an nGaeltacht luaite sa gcur síos ar phost an uachtaráin nuair a fógraíodh é in 2024/2025.[2]
Maíonn Ollscoil na Gaillimhe go bhfuil stádas dátheangach na hollscoile ar cheann dá bpríomh thosaíochtaí agus go bhfuil "freagracht reachtúil i gceist le ról an Uachtaráin ceannasaíocht láidir a thabhairt chun go dtacófaí le gealltanas na hOllscoile maidir leis an teanga agus an cultúr araon a chur chun cinn." Ach deir Conradh na Gaeilge nach bhfuil aon chosaint reachtúil anois ag an Ghaeilge in Ollscoil na Gaillimhe ó cuireadh deireadh leis an riachtanas i 2017.[3]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ University of Galway (6 Lúnasa 2025). "Preasráiteas". www.universityofgalway.ie. Dáta rochtana: 2025-08-07.[nasc briste go buan]
- 1 2 "Uachtarán nua ceaptha ar Ollscoil na Gaillimhe" (ga-IE). Tuairisc.ie (2025-08-06). Dáta rochtana: 2025-08-07.
- ↑ Sorcha Ní Mhonacháin / Nuacht RTÉ (2025-08-13). "Sinn Féin ag ceistiú cheapachán Uachtarán Ollscoil na Gaillimhe" (as ga-IE).