Dúnmharú Patrick McVeigh
| Beathaisnéis | |
|---|---|
| Breith | Béal Feirste, Northern Ireland  |
| Bás | 13 Bealtaine 1972 Béal Feirste, Northern Ireland |
| Siocair bháis | Dúnbhású (Tráma balaistíoch) |
| Gníomhaíocht | |
| Ball de | |
Ar an 13 Bealtaine 1972, lámhachadh agus maraíodh Patrick McVeigh, 44 bliain d'aois, fear Caitliceach (agus athair seisear clainne), agus gortaíodh ceathrar eile. Bhí siad ag comhrá le chéile ar an tsráid i gceantar Bhaile Andarsan in iarthar Bhéal Feiste.[1]
Scaoileadh leo ó gluaisteán a bhíothas a thiomáint tríd an gceantar ag an am. Bhí na saighdiuirí ón Military Reaction Force (MRF) sa charr nuair a scaoileadh leo.[2]
Bunaíodh an MRF i 1971 le hionsaithe sceimhlitheoireachta a dhéanamh ar Chaitlicigh le súil an bonn a bhaint de thacaíocht an phobail náisiúnaigh don IRA. Cuid de straitéis frithcheannairce na Breataine a bhí ann ar cuireadh barr feabhais air roimhe sin sa Mhalae, sa Chéinia agus i dtíortha eile, agus atá luaite leis an nGinearál Frank Kitson go háirithe.[2]
Rud atá íorónta, bhí seal caite ag Patrick McVeigh é féin in Arm na Breataine.
Fiosrúcháin
[cuir in eagar | athraigh foinse]Chuir póilíní an Tuaiscirt tús le fiosrúchán nua faoi na hionsaithe lámhaigh i bhfianaise ar tháinig chun solais i gclár faisnéise an BBC sa bhliain 2013.[3]
In 2024, is fearr déanach ná riamh, bhí sé fógartha ag an tSeirbhís Ionchúiseamh Poiblí sa Tuaisceart go raibh iarshaighdiúir in Arm na Breataine le cúiseamh i bhfear Caitliceach a dhúnmharú agus in iarracht a dhéanamh ceathrar eile a dhúnmharú i mBéal Feirste i 1972.
"Saighdiúir F" atáthar a thabhairt ar an bhfear atá le cúiseamh ina dhúnmharú (ní hé an 'Saighdiúir F' céanna é atá cúisithe i ndúnmharú i nDoire Domhnach na Fola). Ní hionann é agus an Saighdiúir F atá le cur ar a thriail faoi bheirt a dhúnmharú i nDoire Domhnach na Fola. Bhí Saighdiúir F,chomh maith le triúr eile dá ngairtear Saighdiúirí B, C agus D, le cúiseamh i mbeirt Chaitliceach eile a lámhach agus in iarracht a dhéanamh iad a dhúnmharú an lá sular dúnmharaíodh Patrick McVeigh.[1]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- 1 2 Nuacht RTÉ (2024-02-08). "Saighdiúir F eile le cúiseamh i ndúnmharú i mBéal Feirste" (as ga).
- 1 2 Nuacht RTÉ (2025-03-19). "Dúnmharú Patrick McVeigh: tús le héisteacht i dtriail saighdiúra" (as ga).
- ↑ "Police urged to probe MRF claims" (en-GB). BelfastTelegraph.co.uk (2013-11-22). Dáta rochtana: 2024-02-11.