Díorthach

Ón Vicipéid, an chiclipéid shaor.
Graf feidhme, tarraingthe i ndubh, agus an tadhlaí-líne leis an ngraf sin, tarraingthe i dearg. Tá fána an tadhlaí-líne comhionann le díorthach na feidhme ag an bpointe marcáilte.

Sa mhatamaitic, tomhaiseann díorthach feidhme d’athróg réadach an íogaireacht d’athrú ar luach feidhme (luach aschuir) maidir le hathrú ina argóint (luach ionchuir). Uirlis bhunúsach calcalais iad díorthaigh. Mar shampla, is é an díorthach shuíomh réada atá ag gluaiseacht i leith ama, ná treoluas an réada: tomhaiseann sé seo cé chomh tapa agus a athraíonn suíomh an ruda nuair a théann an t-am ar aghaidh.