Crith talún

Ón Vicipéid, an chiclipéid shaor.
Teorainn plátaí dibhéirseacha

Tubaiste nádúrtha is ea crith talún, a tharlaíonn de bharr gluaiseacht na bplátaí teicteonacha faoi bhun mhaintlín an domhain, a tharchuireann sraith tonnta sa talamh[1]. Tarlaíonn crith talún nuair a scaoiltear fuinneamh as screamh an domhain i dtonnta seismeacha. Bogann an talamh go tobann mar thoradh.

Tomhas[athraigh | athraigh vicithéacs]

Úsáidtear an Scála Richter le déine creathanna talún a thomhas. Déanann na seismeolaithe fuinneamh an bhunchrith talún a thomhas le scála Richter.

Úsáidtear an Scála Richter le déine creathanna talún a thomhas.

Mar shampla, i gcás an chrith talún a tharla i dtuaisceart California le linn sraith dhomhanda an daorchluiche i 1989, a raibh tomhas 6.9 ar scála Richter aige, meastar gur scaoil sé an oiread fuinnimh le 30 milliún tonna d'ábhar pléascach, níos mó na 1 0 n-oiread chumas pléasctha na mbuamaí uile a pléascadh sa dara cogadh domhanda.

Geolaíocht[athraigh | athraigh vicithéacs]

Tá imill an-ghníomhacha mórthimpeall an Aigéin Chiúin agus ar feadh líne ón Meánmhuir go dtí na Himiléithe is an tSín.

De ghnáth tarlaíonn creathanna talún is bolcáin ar feadh teorainneacha na bplátaí teicteonacha. Faoi bhun na bplátaí tá ciseal de chloch leáite atá téite ag croíleacán te an domhain. De réir mar a shreabhann an chloch leachtach le comhiompar teasa, iompraíonn sí na plátaí freisin.

Nuair a thagann dhá phláta le chéile go tapa, is amhlaidh a shleamhnaíonn dromchla pláta amháin faoi bhun an chinn eile (fodhuchtú).

Ina dhiaidh sin ó am go chéile, tarlaíonn sleamhnú faoi thalamh ar feadh fabhtlínte, agus is é seo a chuireann tús le crith talún.

Tíreolaíocht[athraigh | athraigh vicithéacs]

Tá na fabhtlínte seo ar imill na bplátaí teicteonacha agus na scoilteanna meanaigéanacha.

Tá imill an-ghníomhacha mórthimpeall an Aigéin Chiúin agus ar feadh líne ón Meánmhuir go dtí na Himiléithe is an tSín.

Droichead Medway, Christchurch 2010

Tubaistí[athraigh | athraigh vicithéacs]

Má bhíonn bunús nó airmheán crith talún gar don fharraige, féadfaidh sé tús a chur le tonn taoide sa bhfarraige, nó súimíní. Forleathann an tonn seo chomh tapa le luas forleata fuaime, agus féadfaidh sí a bheith fíormhillteanach do dhaoine is foirgnimh gar don chladach na mílte ciliméadar ón airrnheán. Scaoileann crith talún méid ollmhór fuinnimh i bhfoirm na dtonnta seismeacha.

An Cholóim, 1999[athraigh | athraigh vicithéacs]

25 Eanáir 1999: maraíodh thart ar 1,000 duine i gcrith talún sa Cholóim (Armenia).

San Francisco, 1989[athraigh | athraigh vicithéacs]

18 Deireadh Fómhair 1989: crith talún i gcathair San Francisco (6.9 ar Scála Richter)

Tuaisceart Airméin, 1988[athraigh | athraigh vicithéacs]

7 Nollaig 1988: Meastar gur maraíodh 25,000 duine i gcrith talún i dtuaisceart Airméin in Aontas na Sóivéide

Managua, 1972[athraigh | athraigh vicithéacs]

23 Nollaig 1972: Scrios crith talún Managua,Nicearagua. Maraíodh 10,000 duine++

Ardeaglais i dTóiceo, 1923

Tóiceo, 1923[athraigh | athraigh vicithéacs]

Ba é an crith talún is mó dar tomhaiseadh riamh an crith talún ar luach 8.9 a bhuail Tóiceo na Seapáine, sa bhliain 1923, agus a mharaigh níos mo ná 100,000 duine trí leagadh foirgneamh nó na dóiteáin a lean é.

Valparaíso, 1906[athraigh | athraigh vicithéacs]

16 Lúnasa 1906, fuair timpeall is 20,000 duine bás i gcrith talún i Valparaíso na Sile (Méid creatha talún: 8.2).

San Francisco, 1906[athraigh | athraigh vicithéacs]

Maraíodh 3000 duine ar a laghad i gcrith talún i San Francisco sa bhliain 1906

Sanriku, 1896[athraigh | athraigh vicithéacs]

15 Meitheamh 1896: Sa tSeapáin, cailleadh 27,000 i gcrith talún Sanriku, agus tháinig súnáaí ina dhiaidh.

Liospóin, 1531[athraigh | athraigh vicithéacs]

26 Eanáir 1531, bhuail crith talún Liospóin, sa Phortaingéil, & maraíodh 30,000 … súnámaí a tháinig ina dhiaidh.

Shaanxi, 1556[athraigh | athraigh vicithéacs]

23 Eanáir  1556: maraíodh thart ar 830,000 duine i gcrith talún sa tSín, i Shaanxi.

Tar éis chrith talún San Francisco i 1906

Cuntais ar chreathanna san am a caitheadh[athraigh | athraigh vicithéacs]

Maidir leis na chéad thuairiscí ar na creathanna, sna cáipéisí luatha as Impireacht na Róimhe caitear na creathanna talún isteach sa chatagóir céanna le cineálacha eile tubaistí. Isteach leo leis an gcogaíocht, an cheannairc agus an ionradh. Na dátaí sin a luaitear le creathanna talún a tharla roimh AD 1000 níl siad cruinn, go háirithe i gcás na gcreathanna sin a tharla idir na blianta AD 500 agus AD 1000.

An chéad tuairisc a rinneadh ar chrith talún a tharla in impireacht na Róimhe, Livius a bhreac. Ag scríobh dó i mblianta deireanacha na chéad aoise RC, luann sé creathanna na bliana 461 RC: 'Bhain crith talún croitheadh fíochmhar as an talamh.' Déanann Livius, sa chuntas gonta seo dó, cur síos ar an an gcrith talún i gcomhthéacs na míorúiltí a tharla le linn na bliana sin. Is beag a scríobh sé faoin damáiste a tharla don chathair i bhfírinne seachas gur thit dealbha móra agus mar sin de.

Tagairtí[athraigh | athraigh vicithéacs]

  1. Hussey, Matt (2011) - Fréamh an Eolais (Coiscéim)