Contae an Longfoirt

Contae an Longfoirt
Achar:	1,091 km²
Príomhbhaile:	An Longfort
Daonra:	40,810 (2016)
Cúige:	Laighin

Tá An Longfort nó Contae an Longfoirt i lár na hÉireann, i gCúige Laighean. Cruthaíodh an contae sa bhliain 1564. Tá an chuid is mó de in abhanntracht na Sionainne agus cuid eile de in abhanntracht na hÉirne. Portaigh, locha, páirceanna féir agus riasca is mó atá sa talamh. Tá iarsmaí ón chlochaois le fáil in aice bhaile Ghránaird agus is iomaí iarsma atá sa chontae de mhainistreacha luathChríostaí. D'fhág na Normannaigh a lorg ar an áit chomh maith. Bronnadh na tailte ar chlann de Lacy, ach ní raibh siad ábalta an áit a ghabháil go buan agus ba í clann Uí Fhearghail a bhí i gceannas go ceann na gcéadta bliain. Bunaíodh an príomhbhaile, An Longfort timpeall 1400, agus ba ann a bhí ionad cumhachta Uí Fhearghail. Is ann atá lárionaid riaracháin an chontae faoi láthair. Timpeall seacht míle duine a chónaíonn ann.

Bailte i gContae an Longfoirt

• Ardach
• Baile Uí Mhatháin, Béal Átha Liag, Béal Átha na Laogh, Béal Átha na Muc, Baile Nua an Chaisil
• Cluain Dá Ráth, Cnoc na Góla, Caonach, Cill na Sí
• Droim Lios
• An Lios Breac, An Longfort, Lios Riain
• Gránard
• Meathas Troim, Mullach na Leachta, Maigh Dumha
• Teach Síní

Barúntachtaí

• Ardach
• Gránard
• An Longfort
• Maigh Dumha
• Ráth Claon
• Sruthail

Tíreolaíocht

• Na Broicíní
• Cill Eo, Carn Clainne Aodha, An Chamlinn
• Forgnaí
• Loch Gamhna, Loch Rí
• Mullach na Leachta
• An tSionainn

Cultúr

• Bóthar Chorr Liath
• Claí na Muice Duibhe, Comhairle Chontae an Longfoirt
• Scoil Mhuire