Conradh Náisiúnta na Liobáine
| ||||
| Cineál | constitutional convention (en)   | |||
|---|---|---|---|---|
| Bailíocht | 1943 - | |||
| Baint le limistéar údaráis | an Liobáin | |||
Is éard atá i gceist le Conradh Náisiúnta na Liobáine ná conradh neamhscríofa a dhéanann gnó an bhunreachta sa Liobáin. Seo a deir an Conradh, thar aon rud eile:
- Tá na Críostaithe Maróiníteacha sásta glacadh leis gur tír Arabach í an Liobáin, agus nach lorgann siad cabhair ó chumhachtaí iasachta.
- Tá na Moslamaigh sásta gan aontas a lorg leis an tSiria.
- Is Críostaí Maróiníteach é Uachtarán na Liobáine.
- Is Moslamach Sunnaíoch é Príomh-Aire na Liobáine.
- Is Moslamach Siach é Ceann Comhairle na Parlaiminte.
- Is Críostaithe Gréagacha Ortadocsacha iad an Leas-Cheann Comhairle agus an Leas-Phríomh-Aire.
- Is Críostaí Maróiníteach é Ceann Foirne Ginearálta na bhFórsaí Armtha.
- Is Drúsach é Ard-Cheannasaí na bhFórsaí Armtha.
- Is é coibhneas na bhFeisirí Críostaí agus Moslamacha i bParlaimint na Liobáine ná seisear in aghaidh an chúigir.
An conradh síochána a síneadh in Tá'if, an Araib Shádach, sa bhliain 1989, le deireadh a chur le cogadh cathartha na Liobáine, bhain sé cuid de na cumhachtaí den Uachtarán Chríostaí agus d'athraigh sé an coibhneas go 1:1.