Conleth Ellis
| Beathaisnéis | |
|---|---|
| Breith | 1937 Ceatharlach, Éire  |
| Bás | 10 Bealtaine 1988 50/51 bliana d'aois Baile Átha Luain, Éire |
| Gníomhaíocht | |
| Teangacha | An Ghaeilge |
Scríbhneoir agus file Gaeilge ab ea Conleth Ellis a saolaíodh i gCeatharlach ar an 24ú lá de Mhí Feabhra sa bhliain 1937 agus a d'éag ar an 10ú lá de Mhí Bealtaine 1988. Fuair sé a chuid scolaíocht i meánscoil na mBráithre Críostaí i gCeatharlach, áit a raibh sé ina bhall de ghrúpa liteartha in éineacht le Pádraig Ó Snodaigh agus an bheirt acu dlúthchairdiúil le chéile. Bhí pleananna aige dintiúirí an tsagairt a bhaint amach le dul ag misinéireacht sa Tríú Domhan cosúil lena dheartháir Oliver a bhí ag obair mar sin sa Chéinia.
Ba iad Pádraig Ó Snodaigh agus aitheantas liteartha eile, Eoghan Ó Tuairisc, a d'áitigh ar Ellis litríocht Gaeilge a scríobh. D'fhoilsigh Ellis an chéad chúpla bailiúchán dánta i mBéarla.
Chuaigh sé ag staidéar i gColáiste Ollscoile na Gaillimhe agus scríobh sé tráchtas M.A. faoin bhfile Gerald Manley Hopkins. Ansin thosaigh sé ag múinteoireacht. Chaith sé tréimhse ina mhúinteoir i gCeatharlach, i mBéal Feirste agus i mBaile Átha Luain. I mBéal Feirste i dtús na seascaidí casadh Christine Gallagher air, an bhean a phós sé, agus rugadh ceathrar clainne dóibh, beirt mhac agus beirt iníonacha.
Saothar
[cuir in eagar | athraigh foinse]- This Ripening Time (1966)
- Under the Stone (1971)
- Fómhar na nGéanna (1975)
- Aimsir Fháistineach (1981)
- After Doomsday (1982)
- Nead Lán Sneachta (1982)
- Táin (1983)
- Seabhac ag Guairdeall (1985)
- Age of Exploration (1985)
- Aoibhinn an Galar (1986)
- Darkness Blossoming (1989)
- An Canáraí Pinc (1990)
Naisc Sheachtracha
[cuir in eagar | athraigh foinse]Tagairtí
[cuir in eagar | athraigh foinse]| Idirnáisiúnta | |
|---|---|
| Náisiúnta | |
| Eile | |
