Conchubhar Ó Liatháin
| Gníomhaíocht | |
|---|---|
| Réimse oibre | Iriseoireacht |
| Gairm | iriseoir, tuairisceoir, colúnaí, eagarthóir nuachtáin  |
| Teangacha | An Ghaeilge agus Béarla |
Is iriseoir é Conchubhar Ó Liatháin a bhfuil na blianta caite aige i mbun tuairisceoireachta agus colúnaíochta sna meáin clóite Gaeilge agus Béarla. Bhí sé ina eagarthóir ar Lá, an t-aon nuachtán laethúil Gaeilge dá raibh ann riamh. Ar na foilseacháin eile dar scríobh sé dóibh tá: Scéal, Seachtain, The Corkman, The Echo agus TheJournal.ie.[1]
Is as Cúil Aodha i nGaeltacht Múscraí dó.[1]
Ceapadh Ó Liatháin ina Chomhfhreagraí Gaeltachta le TheJournal.ie sa bhliain 2025. Chuir sé roimhe "scéal phobail na Gaeilge ar fud na tíre a insint, ag díriú ar na dúshláin atá rompu agus ar an dóigh a bhfuiltear ag réiteach na ndúshlán sin".[1]
Fuair sé ainmniúchán sa chatagóir "Iriseoir na Bliana" ag Gradaim Chumarsáid an Oireachtais 2025 i ngeall ar a chuid scríbhneoireachta le Scéal agus le The Echo.[2][3][4]
Tagairtí
[cuir in eagar | athraigh foinse]- ↑ 1.0 1.1 1.2 "Dia dhaoibh: Seo agaibh foireann nua Ghaeltachta The Journal". TheJournal.ie (2025-08-28). Dáta rochtana: 2025-12-13.
- ↑ "Gearrliosta 2025 | Gradaim Chumarsáide". An tOireachtas. Dáta rochtana: 13 Samhain 2025.
- ↑ "Gearrliosta ghradaim chumarsáide an Oireachtais 2025 fógartha" (19 Meán Fómhair 2025). An Páipéar (Eagrán 47).
- ↑ "Gearrliostaí Ghradaim Chumarsáide an Oireachtais 2025 fógartha". Tuairisc.ie (2025-09-19). Dáta rochtana: 2025-11-13.
  | Is síol faoi dhuine Éireannach é an t-alt seo. Cuir leis, chun cuidiú leis an Vicipéid.
Má tá alt níos forbartha le fáil i dteanga eile, is féidir leat aistriúchán Gaeilge a dhéanamh. |