Clare Crockett
| Beathaisnéis | |
|---|---|
| Breith | 14 Samhain 1982 Doire, Northern Ireland  |
| Bás | 16 Aibreán 2016 33 bliana d'aois Eacuadór |
| Siocair bháis | Crith talún |
| Áit adhlactha | Reilig Chathair Dhoire |
| Gníomhaíocht | |
| Gairm | siúr |
| Ord crábhaidh | Home of the Mother (en)  |
| Croineolaíocht | |
| 8 Meán Fómhair 2010 | solemn vows (en) |
| 11 Feabhra 2006 | religious profession (en)
|
   | |
As an Túr Fada (ceantar an Brandywell) i nDoire ba ea an tSiúir Clare Crockett (14 Samhain 1982 – 16 Aibreán 2016). Tá Crockett ina h-iarrthóir le go ndéanfaí naomh di. Thug an Eaglais Chaitliceach aitheantas foirmeálta di in Eanáir 2025.[1]
.jpg)
.jpg)
Beatha
[cuir in eagar | athraigh foinse]Aisteoir agus láithreoir teilifíse a bhí sa tSiúir Crockett ar tús sula ndeachaidh sí le Siúracha Searbhónta Bhaile na Máthar sa Spáinn i 2001. Bhí sí ina bean rialta ón bhliain roimhe sin.
Bhí obair thréadach, séiplíneacht ospidéil agus obair mhisinéireachta déanta sa Spáinn, sna Stáit Aontaithe agus in Eacuadór ag an bhean rialta le linn a saoil ghairid.[1]
Bás
[cuir in eagar | athraigh foinse]Bhásaigh an tSr Crockett i gcrith talún in Eacuadór i Meiriceá Theas ar an 16 Aibreán 2016, in aois 33 bliain di. Is amhlaidh a thit an scoil a raibh sí ag múineadh ceoil ann i Playa Prieta sa chrith talún, nuair a bhí an tSiúir Crockett ag iarraidh daoine a thabhairt amach as an fhoirgneamh.[1]
'Naomhainmniú'
[cuir in eagar | athraigh foinse]De ghnáth bíonn fanacht 5 bliana ann i ndiaidh bhás duine sular féidir an próiseas naomhaithe a thosú. 'Sé an t-iarratas ar chanónú an chéad chéim den phróiseas; bronnadh an teideal 'Searbhónta Dé' ar Crockett i mí na Samhna 2024.[2]
I mí Eanáir 2025, reáchtáladh searmanas beannaitheachta in Ardeaglais Alcalá de Henares i Maidrid, an chéad chéim sa phróiseas le go ndéanfaí naomhú ar an bhean óg.
Cuirtear tuairisc fhoirmeálta faoi bhráid na Cuallachta Naomhaithe agus má éiríonn leis an iarratas, fógraítear go bhfuil an té sin 'cásach' nó 'urramach.' Bronntar beannaitheacht ar an iarrthóir sa tríú céim agus cuirtear críoch ar an phróiseas le 'naomhainmniú.'[1]
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ 1.0 1.1 1.2 1.3 Nuacht RTÉ (2025-01-12). "Bean rialta as Doire ar a bealach chun a naomhaithe" (as ga-IE).
- ↑ "Sister Claire Crockett: Derry nun's family 'proud' as sainthood journey begins" (en-GB). www.bbc.com. Dáta rochtana: 2025-01-15.