Cléópatra

Cléópatra VII
Banríon na hÉigipte
Réimeas	51 BC - 30 BC
Dáta breithe	69 RC
Áit bhreithe	Alexandria, An Éigipt
Dáta báis	30 RC
Áit bháis	Alexandria
Réamhtheachtaí	Ptolemy XII
Comharba	(Ní raibh aon)
Rítheaghlach	Ptolemaic

Banríon ab ea Cléópatra (as Gréigis, Κλεοπάτρα Φιλοπάτωρ; 69 r. Chr. – 30 r. Chr). Rialaigh sí an tSean-Éigipt in aice lena hathair, agus ansin lena deartháireacha, agus sa deireadh ina haonar.

De réir nós na nÉigipteach, bhí Cléópatra pósta ar a deartháir. Bhí caidreamh collaíochta aici le hIúil Caesar nuair a thaisteal sé go dtí an Éigipt sa bhliain 48 r. Chr., áfach. Rugadh mac di le Caesar, ar ar bhaist sí an t-ainm Caesarion, agus bhí Caesar sásta an atharthacht a admháil. Mar sin féin, níor fhág sé aon oidhreacht ag Caesarion ina thiomna. Ní rithfeadh leis riamh Cléópatra a phósadh, ach an oiread, nó bheadh a chnaipe déanta mar pholaiteoir sa Róimh dá bpósfadh. Tar éis a bháis, bhí triúr páiste ag Cléópatra in éineacht le Marcus Antonius. Nuair a bhuaigh Ágastas orthu ag cath Actium, theith Cléópatra. Fuair Antonius bás faoina lámh fhéin agus deirtear gur sháigh sé é fhéin sa bholg lena chlaíomh gearr Rómhánach. Chuir Cléópatra lámh ina bás féin freisin, trí ghreim nimhneach asp de réir na miotaseolaíochta, ar an 12ú lá Lúnasa, 30 r. Chr. Is léir gur mharaigh Ágastas Caesarion, in aois ocht mbliana déag dó agus é ag teitheadh sa bhliain chéanna.