Cill Airne

Cill Airne
Suíomh
52° 03′ 32″ N, 9° 30′ 26″ O
Stát ceannasach	Éire
Cúige Éireannach	Cúige Mumhan
Contae in Éirinn	Contae Chiarraí
Daonra
Iomlán	14,412 (2022)
Tíreolaíocht
Airde	50 m
Aitheantóir tuairisciúil
Lonnaithe i gcrios ama	UTC±00:00
Eile
Logainm.ie	1412691
Suíomh gréasáin	killarney.ie

Baile i gContae Chiarraí in Éirinn is ea Cill Airne. Tá an baile suite ar bhruach thiar thuaidh Locha Léin, cuid de Pháirc Náisiúnta Chill Airne. Is iomaí ní is díol spéise atá sa bhaile agus sa cheantar máguaird amhail Ardeaglais Mhuire, Caisleán an Rois, Teach Mhucrois, Lochanna Chill Airne, Na Cruacha Dubha, Dún Lóich agus araile.

Baile Turasóireachta

Is í Cill Airne an t-ionad turasóireachta is cáiliúla agus is mó a bhfuil forbairt thráchtála déanta air in Éirinn.^[fíoras?] Is baile margaidh í atá lonnaithe san áit a dtagann bóithre Luimnigh-Bheanntraí agus Chorcaí-Thrá Lí le chéile agus is í baile ardeaglaise dheoise Chaitliceach Chiarraí í.

Tá clú is cáil ar fud na cruinne ar na radhairc rómánsúla de lochanna is de shléibhte atá le feiceáil sa cheantar. Tá iomrá ar shaibhreas, éagsúlacht agus raidhse fhlóra an cheantair chomh maith (ina measc Arbutus unedo agus an raithneach thearc úd Trichomanes radicans). Tá roinnt séadchomharthaí ársa inspéise ann chomh maith. Sa bhaile féin is é an t-aon fhoirgneamh arbh fhiú trácht air ná Ardeaglais Naomh Muire (1842-55), a dhear Augustus Welby Pugin; tá sé seo ar cheann de na heiseamláirí is fearr sa tír de shéipéil a tógadh i stíl na hAthbheochana Gotaí.

Stair

Bunaíodh an chéad lonnaíocht san áit dár mhair taifid de timpeall na bliana 640, ar Inis Faithlinn i Loch Léin. Lonnaíocht reiligiúnach a bhí ann, mainistir a bhunaigh Naomh Finian Lobhar.

Daoine suntasacha

Is as Cill Airne don gceoltóir Amano.