Bureau of Labor Statistics
|
|||||
| Sonraí | |||||
|---|---|---|---|---|---|
| Cineál | gníomhaireacht de chuid Rialtas Feidearálach na Stát Aontaithe seirbhís staitistiúil  | ||||
| Stair | |||||
| Dáta a bunaíodh | 1884 | ||||
| Rialachas corparáideach | |||||
| Ceanncheathrú | |||||
| Líon fostaithe | 2,500 | ||||
| Máthaireagraíocht | United States Department of Labor (en)  | ||||
| Suíomh gréasáin | bls.gov | ||||
| |||||
Is é an Bureau of Labor Statistics (Gaeilge: Biúró Staitisticí Saothair) i Washington, D.C. an príomhghníomhaireacht staidrimh saothair i Stáit Aontaithe Mheiriceá. Tá sé faoi choimirce an Roinne Saothair.[1] Is é a phríomhchuspóir eolas cruinn, tráthúil agus neamhchlaonta a chur ar fáil maidir le margadh an tsaothair, tuarastail, fostaíocht, táirgeacht agus tosca eile a bhaineann le hoideachas agus le coinníollacha maireachtála.
Gníomhaíochtaí
[cuir in eagar | athraigh foinse]Seo a leanas achoimre ar na príomhghníomhaíochtaí atá aige:
Bailiú agus foilsiú sonraí staidrimh
- Rátaí dífhostaíochta agus fostaíochta (Employment Situation Report gach mí — tugtar an “jobs report” air go coitianta).
- Innéacs Praghsanna Tomhaltóirí[2]: Úsáidtear é chun an ráta boilscithe a thomhas.
- Tuarastail agus ioncam i réimsí éagsúla.
- Táirgiúlacht saothair in earnálacha éagsúla.
- Costas maireachtála agus athruithe air le himeacht ama.
- Staidreamh ar thionóiscí san ionad oibre, coinníollacha oibre, agus sláinte agus sábháilteacht.
Faisnéis don phobal, d’oideachasóirí, agus do lucht beartais
- Tugann an Biúró tacaíocht do lucht déanta polasaithe, agus don phobal trí shonraí iontaofa ar chúrsaí saothair.
- Foilsíonn sé réamh-mheastacháin fostaíochta (mar sh., cé na réimsí a bheidh ag fás sna blianta romhainn).
- Cuidíonn sé le bearta eacnamaíochta a cheapadh (e.g. rátaí úis, beartas airgeadais agus sóisialta).
Trédhearcacht agus rochtain phoiblí
- Tá a chuid sonraí go léir ar fáil saor in aisce ar líne (www.bls.gov).
- Soláthraíonn sé uirlisí idirghníomhacha, cairteacha, agus bailiúchán sonraí le híoslódáil.
Scannal McEntarfer
[cuir in eagar | athraigh foinse]Cheap iar-Uachtarán na S-A Joe Biden Erika McEntarfer mar cheannasaí an Bhiúró i 2023. Chuaigh sí i mbun oibre ar an 29 Eanáir 2024. Ach thug Donald Trump bata is bóthar dí ar an 1 Lúnasa 2025.
Léirigh sonraí a chuir sí ar fáil nach raibh an fás i dtaca le fostaíocht i mí Iúil 2025 chomh láidir agus a bhíothas ag súil leis; níos measa fós, bhí líon na bpostanna a cruthaíodh sna Stáit Aontaithe i mí Bealtaine agus mí an Mheithimh 2025 an-íseal, ceartaithe anuas. Mhaígh an tUachtarán Trump gur athraigh McEntarfer na figiúirí fostaíochta agus chuir an státseirbhíseach droch-chuma orthu ar chúinsí polaitiúla, ar mhaithe le droch-cháil a tharraingt air féin. Ach ní raibh aon fhianaise ann go ndearna sí a leithéid.
Rinneadh cáineadh láidir ar Trump i ndiaidh McEntarfer a bhriseadh as a post; bhí sí neamhchlaonta . Ina theannta sin dúirt eacnamaithe áirithe sna Stáit Aontaithe nach cúnamh ar bith don fhostaíocht na polasaithe trádála agus inimirce a chuir Trump i bhfeidhm.[3] Rinne an scannal seo díobháil d'iontaoibh na margaí, a bhí buailte go holc.
Féach freisin
[cuir in eagar | athraigh foinse]Tagairtí
[cuir in eagar | athraigh foinse]- ↑ i mBéarla, U.S. Department of Labor
- ↑ Consumer Price Index nó CPI
- ↑ Nuacht RTÉ (2025-08-02). "Cáineadh ar an Uachtarán Trump faoi bhriseadh Erika McEntarfer" (as ga-IE).