Jump to content

Beachaireacht

Ón Vicipéid, an chiclipéid shaor.
WD Bosca Sonraí GairmBeachaireacht
Cineál fostaíochta
scil phroifisiúnta agus feirmeoireacht feithidí

Coinneáil beach i gcoirceoga le haghaidh meala is céarach is ea beachaireacht[1]. Úsáidtear beacha chun úlloird is barra eile, cosúil le síol ráibe, a phailniú. Titeann Lá Domhanda na mBeach ar an 20 Bealtaine gach bliain.

Stair

[cuir in eagar | athraigh foinse]

Tá an cine daonna ag tarraingt ar na beacha seo le fada. Is eol go raibh beachaireacht ann sa chlochaois, le coirceoga tútacha déanta as adhmad, is dócha.[2] Tá pictiúr ar charraig sa Spáinn, ó thart fá 6,000 RC, de dhuine ag glacadh meala ó nead i gcrann.

Is ó thart fá 2,400 RC, ámh, a thagann an fhianaise is sine de bheacha a choinneáil i struchtúr déanta ag duine. Tá íomha i dTeampall in Abu Gorab na hÉigipte de dhuine ag aistriú meala ó choirceog go potaí móra. Ansin rinne feirmeoirí Eorpacha coirceoga as tuí, cosúil le ciseán bun os cionn.

Tá tagairtí do bheachaireacht i ndlíthe Hiteacha ó 1,300 RC. Tá trácht Éireannach, Bechbhretha, ón tseachtú haois AD a phléann leo.

Príomhalt: Beachaireacht in Éirinn
Eastarraingteoir
Rugadh an beachaire Anton Janša ar an 20 Bealtaine 1734. Cuimhnítear air mar gheall ar mhéid agus cruth na gcoirceog a athrú ionas gur féidir iad a chruachadh, rud a d’fhág go raibh na coirceoga níos éasca le húsáid agus níos éifeachtaí.[3]

Tionscal

[cuir in eagar | athraigh foinse]

Tá thart ar 600,000 beachaire ann san Aontas Eorpach.[4] Tá an tAontas sa dara háit ar domhan (i ndiaidh na Síne) ó thaobh tháirgeadh meala de.

Staidéar

[cuir in eagar | athraigh foinse]

Is caitheamh aimsire do bheachairí áirithe í. Chomh maith leis an mil a fhaigheann siad, déanann siad staidéar ar iompar na mbeach.[5]

In Éirinn

[cuir in eagar | athraigh foinse]

Is iad an dá phríomhchomhlachas beachaireachta in Éirinn sa lá atá inniu ann ná Cónaidhm Chumainn Bheachairí na hÉireann (FIBKA)[6] agus Cumann Beachairí na hÉireann.[7][8]

Príomhalt: Beachaireacht in Éirinn

Tagairtí

[cuir in eagar | athraigh foinse]
  1. ↑ Hussey, Matt - Fréamh an Eolais (Coiscéim 2011)
  2. ↑ "Tá beachaireacht á cleachtadh in Éirinn le os cionn 1,500 bliain" (ga-IE). Tuairisc.ie (2021-06-15). Dáta rochtana: 2024-05-21.
  3. ↑ "Anton Janša" (as en) (2024-05-15). Wikipedia.
  4. ↑ "Grafaic faisnéise: tábhacht na beachaireachta san Eoraip" (ga). Topaicí | Parlaimint na hEorpa (2018-02-28). Dáta rochtana: 2024-05-21.
  5. ↑ Hussey, Matt (2011). "Beachaireacht". Fréamh an Eolais. Coiscéim. p. 67.
  6. ↑ "The Federation of Irish Beekeepers Associations - FIBKA" (en-GB) (2024-02-26). Dáta rochtana: 2026-02-24.
  7. ↑ Irish Beekeepers' Association CLG (IBA)
  8. ↑ "Beekeeping in Ireland" (as en) (2024-01-20). Wikipedia.
Aisghafa ó "https://ga.wikipedia.org/w/index.php?title=Beachaireacht&oldid=1299134"