View source for Batman

{{WD Bosca Sonraí Carachtar}}

[[Íomhá:Batman (black background).jpg|mion|clé|Batman]]
Carachtar ficseanúil é '''Batman''' (''Fear na nIaltóg'' as [[Gaeilge]]) a chonacthas an chéad uair sna [[Greannán|greannáin]] ''Detective Comics'' i mí na [[Bealtaine]] [[1939]]. B'iad Bob Kane agus Bill Finger a chéadcheap an [[sárlaoch]] seo, ach is nós gan ach Kane a lua, ós rud é gurbh eisean a tharraing é. 

==An pearsa==
Is é an fíorainm atá air ná Bruce Wayne. Gróintín saibhir é a bhfuil cónaí air i Mainéar Wayne, i g[[Cathair (lonnaíocht)|Cathair]] Gotham, [[cathair]] shamhailteach agus í múnlaithe ar chathair [[Nua-Eabhrac (cathair)|Nua-Eabhrac]] ó thaobh na [[stair]]e de, cé go bhfuil an t-[[atmaisféar]] níos duairce i nGotham. 

Cuidíonn a chara is a leathbhádóir, Robin, leis, chomh maith lena [[giolla|ghiolla]] Alfred Pennyworth. Is é cúlra an scéil gur mharaigh [[Coireacht|coirpeach]] tuismitheoirí Bruce Wayne os comhair a shúl nuair a bhí sé ina [[buachaill|bhuachaill]] óg, agus gur chinn sé ansin a [[saol|shaol]] a thiomnú don troid in aghaidh na gcoirpeach.

[[Íomhá:USD205998.png|mion|clé|An ''Batmobile'', nó an ''Bat''-ghluaisteán]]

Níl [[cumhacht]]aí neamhshaolta ag Batman mar a bhíonn ag an gcuid is mó de laochra osdaonna na gcoimicí Meiriceánacha, cosúil le [[Superman]]. Mar sin féin, fear an-láidir, an-chliste, an-aclaí atá ann. Caitheann sé púicín dubh a chuirfeadh [[Zorro]] i gcuimhne duit, chomh maith le culaith [[dubh|dhubh]] agus liath (an ''Batsuit'') agus [[crios]] [[uirlis]]í. Tá [[gluaisteán]] speisialta aige chomh maith, an ''Batmobile'', agus é á coinneáil i bhfolach sa ''Batcave'', [[seomra]] rúnda faoi Mhainéar Wayne.

Tá cuid mhaith naimhde ag Batman, agus iad níos cumhachtaí ná a chéile. Ina measc tá Joker, Catwoman, Penguin, Two-Face, Riddler, Scarecrow, Mister Freeze, Poison Ivy, Ra's Al Ghul, agus Bane. 

==Ar an scáileán ==
[[Íomhá:Batman and Robin 1966.JPG|clé|mion|Burt Ward (Robin) agus Adam West (Batman) sa bhliain 1966 ar an [[teilifís]]]]
Is iomaí [[scannán]] agus sraith [[teilifís]]e a rinneadh faoi Batman. 
* Tháinig an scannán, ''Batman Begins'', ar an scáileán sa bhliain 2005. Sa scannán seo, is é Scarecrow an namhaid, agus é ina chógaseolaí sa ghnáthshaol. Shaothraigh an scannán 72.9 milliún dollar do lucht a dhéanta. 
* Sheol an scannán, ''The Dark Knight'', i mí Iúil den bhliain 2008, agus is é Joker a bhí ina namhaid ar an gceann seo. Iar-[[innealtóir]] é Joker a thit isteach i ndabhach [[ceimic|cheimic]]each. B'é [[Heath Ledger]] a rinne an pháirt seo, ach ní raibh sé daite dó an scannán a fheiceáil ar an scáileán, ó fuair sé [[bás]] le ródháileog [[druga]]í in [[Eanáir]] 2008.

== Tagairtí ==
{{reflist}}

[[Catagóir:Carachtair fhicseanúla]]
[[Catagóir:Batman]]